بانکا جیھانێ: زیانا ئەردھەژێن 6ێ سباتێ 34 ملیار دۆلار ئە

بانکا جیھانێ ئەشکەرە دکە، زیانا ئەردھەژێن 6ێ سباتێ یا ل مەرەش و باژارێن دن ئێن باکورێ کوردستانێ و ترکیێ 34 ملیار دۆلارن.

ل گۆر راپۆرا بانکا جیھانێ، زیانا ئابۆری یا ئەردھەژێن 6ێ سباتێ کو ل مەرەشێ روو دابوون و 34.2 ملیار دۆلارن و ئەڤ پەرە پشتی ئاڤادانکرنا ناڤچەیا ئەردھەژێ دکارە سێ جار زێدەتر ببە.

ل گۆر راپۆرێ، %81 زیان ل باژارێن ھاتای، مەرەش، دیلۆک، مەلەتی و سەمسوورێ چێبوویە، ل وان باژاران 6 ملیۆن و 450 ھەزار کەس دژین.

د راپۆرێ دا ھات گۆتن، ئەڤ پەرە دکە ژ سەدی 4ێ داھاتا ناڤخوە یا ترکیەیێ یا سالا 2021ێ و ھەروھا ژ داھاتا ناڤخوە یا 80 وەلات و ھەرێمان زێدەترە.

د ئەردھەژێن 6ێ سباتێ دا کو زیان گھاندبوو 11 باژاران، ل گۆر ئامارێن فەرمی 44 ھەزار و 374 کەسان جانێ خوە ژ دەست دابوون، زێدەتر ژ 100 ھەزار کەس بریندار بووبوون و مالا ملیۆنەک و 250 ھەزار کەسان تێک چوونە.