د ئەنجاما قەزایا ترێنێ دە كو ئیرۆ ل باکورێ یوونانستانێ چێبوویه، هەری کێم 32 کەسان ژیانا خوە ژ دەست دان و زێدەتر ژ 85 کەس ژی بریندار بوون.
ل گۆری نووچەیا ئاژانسا دەولەتێ یا یوونانیستانێ ئامنایێ، ئیرۆ ل باکورێ باژارێ لارسا ل هەرێما تەمپی ترێنا رێڤینگان و ترێنەکە بارهلگر ل هەڤ قەلبین.
بەرپرسێن بەرەڤانیا سڤیل یا یوونانستانێ راگهاندنە، د ئەنجاما بوویەرێ دە هەری کێم 32 کەس مرنە و 85 کەس ژی بریندار بوونە، کو برینا هنەک کەسان گرانە.
تیمێن تەندروستیێ بریندارێن بوویەرێ راکرنە نەخوەشخانەیان.
هاتیە راگهاندن د ترێنا IC 62 یا کو ژ ئاتینایێ دچوو سەلانیکێ نێزی 350 كه‌س تێ ده هەبوونە.
خەباتێن لێگەرین و رزگارکرنێ ل جهێ قەزایێ دەوام دکن.
ژ بەر قەزایێ، ئاگر ب بەشەک ژ ڤاگۆنێن ترێنەکێ کەتبوو، لێ ژ ئالیێ تیمێن ئاگرکوژ ڤە ئاگر هاتیە ڤەمراندن.
