“زەرەرمەندێن ئەردھەژێ ل سووریێ ئافادێ ب ئاستەنگکرنا دەرباسبوونا  ئالکاریان تاوانبار دکن”

"زەرەرمەندێن ئەردھەژێ ل سووریێ ئافادێ ب ئاستەنگکرنا دەرباسبوونا  ئالکاریان تاوانبار دکن"

 کەسێن کو ل سووریێ ژ ئەردھەژێ زرار دیتنە رێخستنا ئافاد یا ترکیێ ب ئاستەنگکرنا کەتنا ئالکاریێ بۆ کۆمەلگەھەکا نشتەجیبوونێ یا ل گوندەوارێ حەلەبێ تاوانبار دکن.

رەوانگەھا سووری یا مافێن مرۆڤان بەلاڤ کر، کۆچبەرێن ل کۆمەلگەھا سروور یا ل باکورێ حەلەبێ د خوەپێشاندانەکێ دە نەرازیبوونا خوە ل دژی رێخستنا ئافاد یا ترکیێ نیشان دان و ئەو تۆمەتبار کر کو رێ نادە ئالیکاری دەرباسی کۆمەلگەھا وان ببن.

ل گۆری زانیاریێن رەوانگەھێ، نێزیکی 800 مالبات د وێ کۆمەلگەھێ دە دژین، کو مالێن وان ل جندرێس و دەڤەرێن دن ئێن گوندەوارێ باکورێ حەلەبێ د ئەنجاما ئەردھەژا وێرانکەر یا 6ێ سباتێ دە زیان دیتنە. د ڤێ ناڤبەرێ دە ژی رێخستنا ئافادێ دۆرپێچ دانیە ل سەر کۆچبەرێن وێ کۆمەلگەھێ و رێ نەدا رێخستنێن مرۆڤی، تانکەرێن ئاڤێ و ئالیکاری دەرباس ببن.

کۆمەلەگەھا سروور ل باکورێ حەلەبێ ل نێزیکی گوندێ یەھموولە، د دەستێ گرووپێن چەکدار ئێن سەر ب ترکیێ دا یە و کۆچبەرێن عەرەب لێ ھاتنە بجھکرن.

ژ بەر ئەردھەژێن ڤێ داویێ، ھەژمارەک ژ ئاڤاھیێن باکورێ رۆژئاڤایێ سووریێ ب تەمامی ھلوەشیانە و ھەژمارەک مەزن ژی دەرز لێ کەتنە، ژ بەر وێ ژی بەشەک ژ وەلاتیێن وان ناڤچەیان بەرێ خوە دانە پەناگەھ و ناڤەندێن حەواندنێ.

پوستێن ھەمان بەش