د ئەنجاما تەقینا ماینەکێ ل باشوورێ رۆژئاڤایێ دێرازۆرێ دە، 5 کەسان جانێ خوە ژ دەست دان و زێدەتری 40 کەسان ژی بریندار بوون.
ئاژانسا “سانا” بەلاڤ کر، ل ھەرێما کەباجب یا باشوورێ رۆژئاڤایێ دێرازۆرێ مینەکا ژ پاشمایێن داعشێ ب کامیۆنەکێ ڤە تەقیا کو تێ دا کۆمەک کەس ھەبوون و ب مەبەستا لێگەرینا ل کوڤارکا کمێ (تروفلە) ھاتبوون دەڤەرێ.
دا زانین ژی، د ئەنجاما تەقینێ دە 5 وەلاتیێن سڤیل جانێ خوە ژ دەست دان و زێدەتری 40 کەسێن دن ژی بریندار بوون و ژ بۆ نەخوەشخانەیا ئەل-ئەسەد یا دێرازۆرێ ھاتن ڤەگوھاستن.
د دەما بۆری دا گەلەک جاران بۆمبە و مایینێن کو ژ ئالیێ داعشێ ڤە ل بیابانا سووریێ ھاتنە چاندن، ب کارکەرێن کو ل کوڤارکا کمێ دگەریان دا تەقیان و ھەژمارەک کەس بوونە قوربانی.
دوشەمبا بۆری ژی ل دەردۆرا باژارێ سەلامیێ یێ ل رۆژھلاتێ حەمایێ د ئەنجاما تەقینا دو مایینێن ژ پاشمایێن داعشێ دا، 10 کەسێن کو ل کڤارکێن کمێ دگەریان جانێ خوە ژ دەست دابوون و 12 کەسێن دن ژی بریندار بوون.
