وەزارەتا چاڤکانیێن ئاڤێ یا ئیراقێ راگھاند، ئەگەر ترکیا ل سەر سیاسەتا ئاڤێ یا نھا بەردەوام بە، چەمێ فەراتێ دێ زوا ببە.
وەزیرێ چاڤکانیێن ئاڤێ یێ ئیراقێ عەون زیاب د داخویانیەکا رۆژنامەڤانی دا راگھاند، یەدەگا ئاڤا ئیراقێ کێمە، رێکەفتنەک ھەیە د ناڤبەرا ئیراق، ترکیا و سووریێ دا ل سەر چەمێ فەراتێ ژ بۆ دابەشکرنا ئاڤێ د ناڤبەرا ھەر سێ وەلاتان دا و ل گۆر رێکەفتنێ، ب قاسی 500 مەترێن سێجا ئاڤ د چرکەیەکێ دا ژ ترکیێ تێ بەردان.
عەون زیاب ھەروھا دیار کر: “ب راستی نیڤا ئاڤا کو مە ل سەر وێ رێکەفتن کریە، دگھەیت. ئیراق ژی داخواز دکە بەهرا ئاڤێ بۆ 600 مەترێن سێجا د چرکەیەکێ دا، بهێت زێدەکرن.”
وەزیرێ چاڤکانیێن ئاڤێ یێ ئیراقێ تەکەز کر کو ئەگەر ترکیە ل سەر ڤێ سیاسەتێ بەردەوام بە، چەمێ فەراتێ دێ ب تەمامی زوها بت.
