ئەنجامدانا کریارێن سکسی د نێڤبەرا چەکدارێن پەکەکێ دە هەر کو دچە زێدەتر دبە و د ڤێ دەربارێ دە پەکەکە ژی ماتمایی مایە و نکارە چارەسەریەک بنگەهین ژ بۆی ڤێ پرسگرێکێ پەیدا بکە، چارەسەریا کو نها پەکەکە ژ بۆی ڤێ پرسگرێکێ بکارتینە ب تەنێ نخماندنا بوویەرێن سکسی یێن د نێڤبەرا چەکدارێن وێ دا یە.
تەڤی کو پەکەکە هەردەم ووسا ددە خویاکرن کو چ تێکلیێن سکسی و ئەڤینداری د نێڤبەرا چەکدارێن وێ پارتیێ دە ناقەومن، لێ بەلێ، رۆژ ناچە بێ ئەخلاقی و فهێتیەکا ڤێ پارتیێ د ڤێ دەربارێ دا ئەشکەرە نەبە، د ناڤا پەکەکێ دا ئەڤ تێکلی ب ئاوایەکی زێدە بوونە کو گهشتیە ئاستەکی چەندین چەکدارێن کەچ دوگیان ببن.
گەلۆ پەکەکە چ ب وان چەکدارێن ژن دکە کو دوگیان دبن؟
چاڤکانیێن پێگەها دارکا مازی ئەشکەرە دکن، هەژمارا ژنێن دوگیان د ناڤا پەکەکێ دا هەر کو دچە زێدەتر دبە، پەکەکە وان چەکدارێن خوە یێن کو دوگیان دبن دشینە کامپا مەخموورێ هەیا کو زارۆکێن وان ژ داییک دبن، پشترا زارۆک ژێ تێ ستاندن و رادەستی مالبەتەکا پەکەکەیی ل مەخموورێ تێ کرن.
چاڤکانیێن دارکا مازی ئەشکەرە کرن، د ڤێ دەربارێ دە چەکدارەکا ژن یا ب ناڤێ دیجلە گەڤەر ل سالا 2017 ژ چەکدارەکی پەکەکێ دوگیان دبە، دەما دوگیان بوونا دیجلە گەڤەر ئەشکەرە دبە، پەکەکە ژ بۆی نخماندنا ڤێ بێ ئەخلاقیێ دیجلە گەڤەر دشینە مەخموورێ، ل مەخموورێ زارۆکێ دیجلەیێ ژ داییک دبە، پشترە د سالا 2018 دە دیجلە تێ ڤەگەراندن بۆ چیایێ گارە و ل ور دمینە.
چاڤکانیێن مە هەر وەها ئەشکەرە کرن، ژنەکا دن یا ب ناڤێ بێریڤان مالکۆ د سالا 2019 دە ژ چەکدارەکی پەکەکێ دوگیان دبە، ئەو ژی ژ بۆی کامپا مەخموورێ تێ رەوانەکرن، دەما زارۆک ل کامپا مەخموورێ ژ داییک بوویی، پەکەکێ دیسا بێریڤان ڤەگەراند چیا و زارۆکێ وێ رادەستی مالباتەکە پەکەکەیی ل کامپا مەخموورێ کر.
چاڤکانیێن پێگەها دارکا مازی هەر وەها ددن خویاکرن، نە ب تەنێ د نێڤبەرا چەکدارێن پەکەکێ یێن ل چیا، بەلکو د نێڤبەرا چەکدارێن پەکەکێ یێن د ناڤا رەفێن یەپەگێ دە ژی کریارێن سکسی دقەومن و ئەو ژی ژ ڤێ یەکێ بێ پار نەبوونە، بۆ میناک، چەکدارەکا سەر ب یەپەگێ ڤە ب ناڤێ چارچەل باکور ژ چەکدارەکی عەرەب یێ یەپەگێ ب ناڤێ رێدوور رەقە دوگیان بوویە، دەما پەکەکێ ئەڤ یەک زانی، ژ بۆی نخماندنا ڤێ بوویەرا بێ ئەخلاقانە، چارچەل باکور ڤەگوهەست شەنگالێ و ل ور زارۆک ژ بەر برییە و ئەو کوشتیە.
