شنگال- گۆرەکێ ب کۆم یێ کوردێن ئێزدی هات ڤەکرن

وەکیلێ قایمەقامێ شنگالێ راگهاندیە، گۆرەکێ ب کۆم یێ کوردێن ئێزدی ل ناڤچەیا شنگالێ هاتیە ڤەکرن.

د ڤێ دەربارێ دە، وەکیلێ قایمەقامێ شنگالێ نایف سەیدۆ ژ باسنیۆز رە راگەهاندیە: «ئیرۆ شەمیێ 04.03.2023ێ ب ئامادەبوونا بابا شێخ و رێبەرێن ئۆلی یێن ئێزدیان گۆرەکێ ب کۆم ل گوندێ قنەیێ یێ سەر ب قەزا شنگالێ ڤە ژ ئالیێ تیمێن فەرمانگەها گۆرێن ب کۆم یێن ئیراقێ ڤە تێن کۆلاندن».

هەروها نایف سەیدۆ دبێژە: «هین نە دیارە کا دێ چەند جەنازە د گۆرا ب کۆم دە و و کەسێن د گۆرێن کۆم دە هاتنە ڤەشارتن کینە، ئەو دێ پشتی کۆلاندنێ بێن ئەشکەرەکرن».

نایف سەیدۆ دبێژە: «تەرۆریستێن داعشێ ل دەڤەرا قنەیی یا شنگالێ گەلەک کەس کوشتنە و د گۆرێن ب کۆم ده‌ دەفن کرنە».