سەرۆکێ بەرێ یێ ئه‌مەریکا دۆنالد ترامپ سۆز دا کو دێ رێبەرێن یەکیتیا ئەورۆپی رازی بکە کو د ناڤا 10 خۆله‌كان دە ئالیکاریا ژ بۆ ئوکراینایێ زێدە بکن، ئەگەر ئەو د هلبژارتنێن پێشەرۆژێ یێن سەرۆکاتیێ دە بسەرکەڤە.
ترامپ د کۆنفەرانسا سالانە یا موحافزکارێن ئه‌مەریکی ده ل واشنگتۆنێ گۆت: “ئەز دکارم ب هەموو سەرکردەیێن وەلاتێن یەکیتیا ئەورۆپی رە بجڤم، ژ بەر کو ئەز وان هەموویان ئان پرانیا وان ناس دکم، و ئەو دێ پەرەیان بەردن، ئەگەر ئەز ژ وان رە بێژم کو دڤێ چ بکن، ئەو نها نادن، و نەهەقە کو دەولەتێن یەکبوویی ب تەنێ پشتگری و په‌ره‌یان بدە ئوکراینایێ”.
ترامپ دا زانین کو دڤێ ئەورۆپا دەست ب خەرجکرنا پەرەیان بکە و دا زانین کو واشنگتۆنێ 140 ملیار دۆلار ژ بۆ ئالیکاریا کیێڤێ ته‌رخان كرنه، لێبه‌لێ پەرەیێن کو ژ ئالیێ یەکیتیا ئەورۆپایێ ڤە تێن تەرخانکرن ته‌نێ 15-16 ملیار دۆلارە.
ترامپ بال کشاند سەر وێ یەکێ کو “ئه‌مەریکا ژ بەر مەترسیا بکارئانینا چەکێن ئاتۆمی و دەرکەتنا شەرێ جیهانێ یێ سێیەم، ژ هەر دەمێ بێهتر د رەوشەکە خەتەرناک دەیە”.
ترامپ پرس کر کو چما رێڤەبەریا جۆ بایدن سه‌رۆكێ نهایێ ئەمەریکایێ كیێڤ ب پەرەیێن ئەوقاس مەزن فینانسە کر، د دەمەکێ دە کو “سەرکەتنا ئوکراینا ل دژی رووسیایێ د ڤێ پەڤچوونێ دە” ژ بۆ وەلاتێن ئەورۆپی ژ دەولەتێن یەکبوویی گرینگترە.
و ترامپ، د هەمان کۆنفرانسێ دە، راگهاند، کو ژ بۆ وی نە زەحمەتە کو د ناڤا 24 ساعەتان دە شەرێ ئوکراینایێ راوەستینە، ئەگەر ئەو جارەکە دن وەک سەرۆکێ ئامەریکا هات هلبژارتن.
