سەرۆککۆمارێ ترکیەیێ رەجەب تەییب ئەردۆگان رادگھینە، ئەو دێ رۆژا 10 ئادارێ بریارا ھلبژارتنێ بدن، دا کو د 14ێ گولانێ دە ب رێ ڤە بچە.
ئەردۆگان پشتی جڤینا کابینەیا خوە ئاخڤی و ئەشکەرە کر کو ئەو دێ رۆژا ئینیێ بریارا ھلبژارتنێ بدن. رۆژا دن ژی دەما بریارا وان د رۆژنامەیا فەرمی دا هات بەلاڤکرن، دێ پێڤاژۆیا ھلبژارتنێ ل ترکیەیێ دەست پێ بکە.
ئەردۆگان گۆت ژی، پشتی 11ێ ئادارێ، کۆمیتا ھلبژارتنێ یا بلند د بەر مژارێن ھلبژارتنێ دا دێ بەرپرسیار بت.
ل گۆر یاسایێن ترکیەیێ، پشتی کو سەرۆککۆمار بریارا ھلبژارتنێ دا، دڤێت پشتی 60 رۆژان ھلبژارتن بهێت کرن.
ئەردۆگان دەربارێ کەسێن کو پشتی ئەردھەژا 6ێ سباتێ جھێ خوە گوھەرتنە دا گۆت، ئەو دێ بریارنامەیەکا سەرۆککۆماریێ دەربخن دا کو ئەو کەس ژ دەرفەت و مافێن خوە بێپار نەمینن.
