سەرۆکێ پارتیا تەڤگەرا نژادپەرەست (مەھەپێ) دەولەت باخچەلی ئیرۆ د کۆما پارتیا خوە دا دەربارێ رۆژەڤا ترکیێ دە نرخاندن کرن، دەربارێ بوویەرێن چەند رۆژ بەری نھا یێن نژادپەرەستیا ل ھەمبەر ئامەدسپۆرێ پێکھاتن دە راگەھاند کو ئالیگرێن بورسایێ سلاڤ دکە و جیھەکی ب ناڤێ ئامەد تنە یە.
سەرۆکێ مەھەپێ دەولەد باخچەلی د جڤینا کۆما پارتیا خوە یا ھەفتانە دا، دەربارێ بوویەرێن چەند رۆژێن بۆری یێن ل بورسا یا ترکیێ د دەما یاریا بورساسپۆر و ئامەدسپۆرێ دا دەرکەتن دا راگەھاند: د ناڤبەرا بورساسپۆر و دیاربەکرسپۆرێ دا د دەما یاریا فوتبۆلێ دە ئەو پانکارتێن کو ھاتن بلند کرن دەرڤەیی ئەخلاقێ سپۆرێ و دژی خوەزایا فوتبۆلێ یە. ل گۆر مە جیھەکی ب ناڤێ ئامەد تنە و دێ بەحسا ئامەدسپۆرێ نەیێ کرن. ئەز ئالیگرێن بورساسپۆرێ ژ ڤێ دەرێ سلاڤ دکم. ژ بەر سەکنا وان یا میلی ئەز وان پیرۆز دکم.
باخچەلی راگەھاند: ئەوێن کو دخوازن ترکیێ پارچە بکن، ستادیوم تەحریک کرن و ئەڤ یەک قەتلە و شەپرزەیی یە. برایێن من یێن کورد جودا نە، لێ تەرۆریستێن جوداخواز جودا نە. ئەوێن کو دخوازن تۆڤێ دژمناییێ بچینن ھەر کی ھەبە دڤێت سەرێ وی بێ ژێ کرن. سپۆرا ترک جیھێ دۆستانی و براتیێ یە. د قادێن سپۆرێ و فوتبۆلێ دا کریز دەرخستن، خرابیا ھەری مەزن یا ژ بۆ نفشێن پاشەرۆژێ یە. ئەم چاڤێ خوە ژ وان را ناگرن و ئەم دێ نەیێن یاریێ.
