کریارێن سێکسی و دوور ژ ئەخلاقێ جڤاکا کورد د ناڤا پەکەکێ دا هەر کو دچە زێدەتر دبن، رۆژانە سەرهاتیێن سێکسی یێن کادرۆیێن پەکەکێ تێن باسکرن، پەکەکە ژی ل جیهێ کو چارەسەریەکێ ژ بۆی ڤان کاران ببینە، ب تەنێ ڤان بوویەران ژ رایا گشتی ڤەدشێرە و نکارە چارەسەریەکا بنگەهین ژ بۆ ببینە، تەک چارەسەرییا کو پەکەکە ژ بۆی ڤان بوویەران دبینە ئەڤە کو کەسێن ئەنجامدەر ژ هەڤ دوور دکە، گەر نا چ سزایەکی گران نادە بەر وان.

پێش نها مە 5 سەرهاتی ژ کریارێن سێکسی یێن د نێڤبەرا کادرۆیێن پەکەکێ دا روو دایی پارڤەکربوون، ئیرۆ ژی ئەمێ سەرهاتیەک دن پارڤە بکن، سەرهاتیا دو کادرۆیێن ئیستیخباراتا پەکەکێ کو دەما کەسەک وان دبینە ئەو کارێن دوور ژ ئەخلاق دکن وی دکوژن و بن ئاخ دکن.

ئەڤ سەرهاتی ب ڤی ئاوایە:

دو ژ ئەندامێن ئیستیخباراتا پەکەکێ ب ناڤێن «نەوال ئەحمەد و هەڤال باوەر» ل جیهەکی ژ دەرڤەی باژارێ دێرکێ یێ رۆژئاڤا کوردستانێ د ناڤا ترومبێلا سەر ب رێڤەبەرییا خوەسەر یا رۆژئاڤا کوردستانێ مژوولی کارێ سێکسی بوون، د ڤێ دەمێ دا کەسەک کو ل ور را دەرباس دبوو وان دبینە، ئەڤ دو کادرۆیێن ئیستیخباراتا پەکەکێ ل جیهێ کو ژ ور دوور بکەڤن، دەست تاڤێن چەک و وی کەسی دکوژن و ل ور بن ئاخ دکن.

چاڤکانیێن پێگەها دارکا مازی ل باژارێ دێرکێ ئەشکەرە کرن، پشتی بۆرینا سێ مەهان و دەرکەتنا هن پسگرێکان د نێڤبەرا ڤان دو کادرۆیێن پەکەکێ دە، ئەڤ بوویەر ئەشکەرە دبە، لێ بەلێ پشتی ئەشکەرە بوونا ڤێ تاوانێ گەل نەرازیبوونا خوە نیشاندا و داخوازا سزادانا ڤان دو کەسان کر.

ل گۆر ئاگاهیێن تایبەت یێن پێگەها دارکا مازی، ژ بەر کو هەڤال باوەر تێکلیێن سێکسی لگەل کەچەکە دن یا ب ناڤێ بێریتان جزیری ژی دانیبوون و نەوال ئەحمەد ب ڤێ یەکێ زانیبوو، د نێڤبەرا وان دە ناکۆکی دەرکەتن و نەوال ئەحمەد راستیا کوشتنا وی کەسی ئەشکەرە دکە، هەیا کو ب ڤی ئاوا باوەر بهێت سزادان، لێ بەلێ پەکەکێ چ سزایەکی گران نەدا ڤان دو کادرۆیێن خوە، ب تەنێ چەند رۆژان کەسێ ب ناڤێ باوەر خست زندانێ و پشترا ئەو سەربەست بەردا، لێ بەلێ ژ بەر کو برایەکی نەوال ئەحمەد د شەرێ کۆبانیێ دە هاتبوو کوشتن ئەو نەهات زندانکرن، ئەو ژ بۆی باژارێ سلێمانیێ هات ڤەگوهەستن و نها د ناڤا تەڤگەرا ئازادی دا کار دکە.

بەلێ، ل جیهێ کو پەکەکە ڤان کادرۆیێن خوە ژ بەر کارێن بێ ئەخلاقانە و کوشتنا کەسەکی سڤیل ب توندی سزا بدە، یەک ژ وان دەمەکی کورت خست زندانێ و پشرا ئەو سەربەست بەردا، یەکە دن ژی شاند باشوورێ کوردستانێ و نها د ناڤا تەڤگەرا ئازادی دە دخوازە وانەیێن ئەخلاقی و نشتمانپەروەری ب گەلێ کورد بدە.