نوونەرا تایبەتا سەکرەتەرێ گشتییێ نەتەوێن یەکگرتی ل ئیراقێ جێنین هێنس پلاسخارت رادگهینە، ئیراق ژ بەر کریزا ئاڤێ دنالێ و پێویستە ئەم ڤێ پرسگرێکێ چارەسەر بکن.
پلاسخارت ژ ئاژانسا نووچەیان سا ئسراقێ رە راگهاند، نەتەوێن یەکگرتی بەشەکە ژ کۆنفەرانسا کەشهەوایێ ل ئیراقێ و هەست ب وێ کریە کو دڤێ کریزا ئاڤێ ل ڤی وه‌لاتی وەرە چارەسەرکرن.
پلاسخارت گۆت ژی: «دڤێ ئەم هەموو ب هەڤ رە ژ بۆ چارەسەرکرنا کریزا ئاڤێ کار بکن ژ بەر کو ئیراق ب تەنا سەرێ خوە نکارە ڤێ یەکێ چارەسەر بکە».
پلاسخارت دەستنیشان کر، پێویستیا ئیراقێ ب ئالیکاریا رێخستنێن ناڤدەولەتی، سازیێن دارایی یێن ناڤدەولەتی و وەلاتێن جیران هەیە.
تەکەز کر ژی، “ئەم ئیرۆ ل ڤرن دا کو هەڤکاریان ئاڤا بکن، تشتێ کو نەتەوێن یەکگرتی دکارە پێشکێش بکە ئەوە کو ببە هەڤکارەک گرینگ کو بانگا دیالۆگا ب باندۆر بکە و ئالیکاریا تەکنیکی پێشکێش بکە».
ئیرۆ یەکشەمێ سەرۆکوەزیرێ ئیراقێ محەمەد شه‌یاع سوودانی دەست ب کارێن کۆنفەرانسا کەشهەوایێ ل بەسرایێ کر و کۆنفەرانس دێ دو رۆژان بەردەوام بە.
