جه‌ندرمه‌یێن ترك ب ئیشكه‌نجه‌یێ و لێدانێ خۆرته‌كی سووری ل سه‌ر سینۆر كوشتن و یه‌كێ دن ژی ب گرانی بریندار بوویه كو ده‌ست و لنگێن وی شكاندنه.
روانگه‌ها سووری یا مافێن مرۆڤان به‌لاڤ كر كو جه‌ندرمه‌یێن ترك ل نێزی باب ئه‌ل هه‌وا یێ ل سینۆرێ تركیێ و پارێزگه‌هییا ئدلبێ یا، ل كۆمه‌كه خۆرتێن سووری خستن، د ئه‌نجاما ڤێ لێدانێ ده كو جه‌ندرمه‌یان ئالاڤێن تووژ و چه‌ك تێ ده ب كارئانینه، خۆرته‌كێ سووری ژیانا خوه ژ ده‌ست دا و یه‌كێ دن ب گرانی بریندار بوویه.
هه‌ر وها ده‌ستنیشان كر، كه‌سێن كو د ڤێ ئێریشا هۆڤانه یا جه‌ندرمه‌یان ده بریندار كه‌تی، ده‌ست و لنگێن وان هاتنه شكاندن و ره‌وشا وان خه‌رابه.
ب ڤێ یەکێ هەژمارا سڤیلێن کو ژ دەستپێکا سالا 2023ان ڤە ل دەڤەرێن جودایێن سووریێ یێن ل نێزیکی سینۆرێ ترکیێ و ل سەر سینۆرێ ترکیێ ژ ئالیێ هێزێن «جەندرمە»یێن پاسەوانێن ترکیێ ڤە هاتن کوشتن، گهشتە 9 کەسان، 5 ل بەژاهیا حەسەکێ، 2 مێر ل گوندەوارێ ئدلبێ و 2 ژی ل گوندەوارێ باکورێ حەلەبێ.
