کورێ تورگوت ئۆزال دبیتە کاندیدێ سەرۆککۆماریا ترکیێ

ئەحمەد ئۆزال، کورێ سەرۆککۆمارێ بەرێ یێ ترکیێ تورگوت ئۆزال، دبیتە کاندیدێ پۆستێ سەرۆککۆماریا ترکیێ.

ل گۆری مەدیایا ترکیێ، ئەحمەد ئۆزالێ کورێ سەرۆککۆمارێ ھەشتەمینێ ترکیێ تورگوت ئۆزال، ب پشتگریا 10 پارتیێن سیاسی دبیتە نامزەدێ پۆستێ سەرۆککۆماریێ.

ئەحمەد ئۆزال دێ ئیرۆ ل ستەنبۆلێ ب جڤینەکا رۆژنامەڤانی کاندیدیا خوە راگەھینت.

ئەحمەد ئۆزال کورێ مەزنێ سەرۆککۆمارێ 8ەمین و سەرۆککوەزیرێ 19ەمین تورگوت ئۆزالە. ئەحمەد ئۆزال سالا 1953 ژ دایک بوویە. د وارێ ئابۆری دا باوەرنامەیا ماستەرێ وەرگرتیە.

ئەحمەد ئۆزال د ھلبژارتنا گشتی یا 1999 دا ژ مەلەتیێ وەک پارلەمەنتەرێ سەربخوە ھات ھلبژارتن. ھەر وھا د ھلبژارتنێن ھەرێمی  یێن 2009 دا بوو کاندیدێ شارەداریا باژارێ مەزن یێ ستەنبۆلێ یێ پارتیا داییکێ.

ھەتا نھا دگەل رەجەب تەییب ئەردۆگان و کەمال کلچدارۆغلو، چار کەسان کاندیدیا خوە ژ بۆ پۆستێ سەرۆککۆماریا ترکیەیێ راگھاندنە.