پارێزگارێ دهۆکێ عه‌لی تەتەر دەربارێ هەلیکۆپتەرا کو شەڤا بۆری ل گوندێ بەرکیاتا گرێدایی ناڤچەیا چەمانکێ یا دهۆکێ کەتیە خوارێ، داخویانیەک دا.
پارێزگارێ دهۆکێ عه‌لی تەتەر گۆت، «هەلیکۆپتەرەک کەت و هەلیکۆپتەرەک ژ هەرێمێ دوور کەت. هێزێن ئەولەهیێ لێکۆلینێن خوە یێن دەربارێ بوویەرێ دە بەردەوام دکن».
عه‌لی تەتەر دەستنیشان کر کو جورەیا هەلیکۆپتەرێ هاتیە راگهاندن، لێ هەتا نها نایێ زانین یا کیژان وەلاتی یە و ت هەلیکۆپتەرەک ب ڤی رەنگی ل جەم ت هێزەکە کوردی نینە.
پارێزگارێ دهۆکێ دیار کر، کەسێن د ناڤا هەلیکۆپتەرێ دە، چەکدارێن په‌كه‌كێ بوون، لێ نایێ زانین کیژان وەلات دا وان ڤه‌گوهێزه كیژان وه‌لاتی. نها لێکۆلین ل سەر ڤێ بوویەرێ تێن کرن».
پێشتر ژی دژەتەرۆرا کوردستانێ دیار کربوو، دەربارێ کەتنا ڤێ هەلکۆپتەرێ دە ئالیێن پێوەندیدارێن حکوومەتا هەرێما کوردستانێ پێوەندی ب حکوومەتا ئیراقێ، هەڤپەیمانیا ناڤدەولەتی و حکوومەتا ترکیێ رە کرن، لێ وان گۆتیە، ئەو هەلیکۆپتەرنە یا وانە.
د داخویانیا دژەتەرۆرا کوردستانێ دە هاتیە، هێزێن ئەولەهیێ دەست ب لێکۆلینان کرنە و د لێکۆلینێن دەستپێکێ دە دەرکەتیە هۆلێ کو ئەو هەلیکۆپتەر ژ جورەیا Eurocopter AS350 بوویە و چەند کەسێن کو تی دە بوون و جانێ خوە ژ دەست دانە، چەکدارێن په‌كه‌كێ بوونە. ژ بۆ بەرهەڤکرنا ئاگاهیێن تەمام یێن دەربارێ هەلیکۆپتەرێ دە لێکۆلین بەردەوام بکن.
