هات هین بوون دو ژ ئەندامێن دەستەیا برێڤەبەرا یەپەگێ ل رۆژئاڤا کوردستانێ ب ئاوایەکی بەردەوام دەستدرێژیا سێکسی کریە سەر چەندین کەچێن چەکدار یێن د ناڤا رەفێن یەپەگێ دە و هەر وەها چەندین کەچێن سڤیل ل باژارێ حەسەکێ، لێ پشتی کو ئەڤ یەک ئەشکەرە بووی، پەکەکێ چ سزایەک نەدایە بەر وان.
چاڤکانیێن پێگەها دارکا مازی ل باژارێ حەسەکێ ئەشکەرە کرن، دو ژ ئەندامێن برێڤەبەرێن یەپەگێ ل باژارێ حەسەکێ یێن ب ناڤێن «عەگید گۆیی و بۆتان بافەیی» دەست درێژیا سێکسی ل سەر دەهان کەچێن چەکدار یێن د ناڤا رەفێن یەپەگێ دە کرنە و ئەو ژ کچینیێ خستنە.
چاڤکانیێن مە ئەشکەرە کرن، پشتی کو عەگید گۆیی چەندین جارا تەجاویزی سەر کەچەکا چەکدار یا ب ناڤێ «رۆکەن» کو ژ باژارێ حەسەکێ یێ رۆژئاڤا کوردستانێ یە دکە، ئەڤ کەچ دوجانی دبە لۆما ژ ترسا کەسوکارێن خوە ژ رۆژئاڤا دەردکەڤە و نها ب ئاوایەکی نهێنی ل ترکیێ ژیان دکە.
چاڤکانیێن مە هەر وەها ئەشکەرە کرن، عەگید گۆیی ل باژارێ دێرکێ ژی چەندین جارا دەستدرێژیا سێکسی ل سەر کەچەکە سڤیل کریە و ئەو ژی دوجانی کریە، تەڤ ئاگاهیێن د ڤێ دەربارێ دە ژی د دەستێ ئاساییشا پەیەدێ دە هەنە لێ ژ بەر کو عەگید گۆیی و بۆتان بافەیی دو ژ زلامێن باهۆز ئەردالن، ئاساییش نکارە وان بنچاڤ بکە.
دەستدرێژیا سێکسی یا سەر کەچ و ژنێن چەکدار و سڤیل ژ ئالیێ بەرپرسێن پەکەکێ ل رۆژئاڤا کوردستانێ هەر کو دچە زێدەتر دبە، پەکەکە ژی ل شوونا چارەسەریەکی ژ بۆی ڤان کارێن بێ ئەخلاق ببینە و کەسێن وها دکن سزا بدە، هەر تم ڤان بوویەران ڤەدشێرە و ت کەسەکی سزا نادە.
