وەزیرێ دەرڤەیێ ترکیێ مەولود چاڤوشۆغلو ل سەر ڤەخواندنا وەزیرێ دەرڤەیێ مسرێ سامیح شوکری، ئیرۆ شەمبیێ ب سەردانەکا فەرمی دگھە مسرێ.
ل گۆر زانیاریێن کو وەزارەتا دەرڤەیا ترکیێ ئەشکەرە کریە، د جڤینا ناڤبەرا مەولود چاڤوشۆغلو و سامیح شوکری دە پێوەندیێن دوئالییێن ناڤبەرا ترکیێ و مسرێ بهێن گۆتووبێژکرن، ھەروھا ل سەر مژارێن ناڤچەیی و ناڤدەولەتی، دانووستاندنێن فکر و رامانان بهێن کرن.
مەولود چاڤوشۆغلو پشتی 11 سالان دبە یەکەم وەزیرێ دەرڤەیێ ترکیێ کو ژ ترکیێ راستەراست سەردانا مسرێ دکە.
پشتی ئەردھەژێن ترکیێ و باکورێ کوردستانێ، وەزیرێ دەرڤەیێ مسرێ رۆژا 27 سباتێ سەردانا ترکیێ کربوو و ژ بۆ نیشاندانا پشتگریا وەلاتێ خوە و سەرساخیێ، لگەل وەزیرێ دەرڤەیێ ترکیێ مەولود چاڤوشۆغلو جڤیابوو.
ھەروھا وەلاتێ مسرێ ئالیکاریێن مرۆڤی ژ بۆ زیاندیتیێن ئەردھەژێن مەرەشێ شاندبوون.
