ب ناڤبێنکاری و کەفالەتا عەشیرێن عەرەب، ھێزێن سووریەیا دەمۆکراتیک (ھەسەدێ) 19 گرتیێن داعشێ یێن دەستێن وان ب خوینێ نەبوونە سەربەست بەردان.
رەوانگەھا سووری یا مافێن مرۆڤان بەلاڤ کر، ئیرۆ ھەسەدێ 19 کەسێن تۆمەتبار کو دانووستاندنا وان ب رێخستنا داعشێ رە ھەبوون، ب کەفالەتا عەشیران سەربەست ھاتن بەردان.
ھەروھا رەوانگەھێ دیار کریە پشتی لێپرسینا ب وان گرتیان رە، چ بەلگە تونە بوون کو کوشتن کرنە. ئەو ھەموو گرتی ژ گوندێن رۆژئاڤایێ دێرازۆرێ نە و د چەند ئۆپەراسیۆنێن یەکینەیێن ھێزێن سووریا دەمۆکراتیک دا ھاتبوون گرتن.
ژ سالا 2019 ڤە، ھەسەدە ب ناڤبێنکاریا سەرۆکێن عەشیران ب سەدان تۆمەتبارێن داعشێ یێن دەستێ وان ب خوینێ سۆر نەبوونە سەربەست بەردانە.
