نەتەوەیێن یەکگرتی د راپۆرتەکێ دە ئەشکەرە کر، ئەو سەربازێن کو د شەرێ ناڤبەرا رووسیا و ئوکراینایێ دە ب دیل هاتنە گرتن، هەردو وەلاتان ل دەرڤەیی چارچۆڤەیا دادگەهان دیلێن هەڤ کوشتنە.
رۆژا ئینیێ، نەتەوەیێن یەکگرتی راپۆرتەک بەلاڤ کر و دبێژە: «د ئێریشا رووسیایێ بۆ سەر ئوکراینایێ دە هێزێن ئوکراینا و رووسیایێ ل دەرڤەیی چارچۆڤەیا دادگەهێ ب دەهان دیلێن هەڤ کوشتنە».
ل ئالیەکی دن، سەرۆکا چاڤدێریا مافێن مرۆڤان یا ئوکراینایێ ماتێلدا بۆگنەر د راپۆرتێ دە راگهاندیە، ب نیگەرانیەکە مەزن 25 دیلێن رووسیایێ ب دەستێ هێزێن ئوکراینایێ هاتن کوشتن، هەروها 15 دیلێن ئوکراینایێ ژی ب دەستێ هێزێن رووسیایێ هاتنە کوشتن.
ماتێلدا بۆگنەر دبێژە: «بەلگەیێن نەتەوەیێن یەکگرتی هەنە کو هنەک جاران، هێزێن ئوکراینایێ دیلێن رووسیایێ راستەراست د مەیدانا شەر دە کوشتنە».
بۆگنەر ئەشکەرە کر کو هێزێن رووسی 15 دیلێن ئوکراینایێ کوشتنە، کو گرووپا چەکدار یا ب ناڤێ واگنەر یا رووسی ب تەنێ، 11 دیل کوشتنە.
