سەرۆکێ ئه‌مەریکا جۆ بایدن سۆز دا تەدبیرێن دن ژ بۆ راوەستاندنا ئێریشێن کو بارەگەهێن ئه‌مەریکا یێن ل سووریێ دکن ئارمانج، بگرە.
د پەیامەکێ دە کو دوهی شەمبیێ ژ کۆنگرێسێ رە هات شاندن، بایدن گۆت، ئه‌مەریکا ئامادەیە گاڤێن زێدەتر باڤێژە، ژ بۆ رووبرووبوونا گەف و ئێرشێن دن.
بایدن دا زانین ، ئەو دێ تەدبیرێن نوو، کو وی ب پێویست ناڤ کرن ژ بۆی به‌رهنگاربوونا ئێریشێن سپایێ پاسداران یێن ل دژی بنگه‌هێن ئه‌مه‌ریكی یێن ل سووریێ بگره و گۆت: ئەو وەک مافێ جەوهەرییێ ئه‌مەریکا ژ بۆ خوەپاراستنێ یه.
سه‌رۆكێ ئه‌مه‌ركا هه‌روه‌ها گۆت: ناڤەندێن ئیرانێ یێن ل سووریێ کو ژ ئالیێ ئارتێشا ئه‌مەریکایێ ڤە هاتنە ئارمانجکرن، ژ بۆ کۆمکرنا جەبلخانە و ئارمانجێن دن دهاتنە بکارئانین و ئەڤ ئێریش ب ئارمانجا رێگرتن و کێمکرنا مەترسیان ل سه‌ر بنگه‌هێن ئه‌مه‌ریكایێ هاتنە کرن.
رۆژا پێنجشەما بۆری ئێریشەک ب ریا درۆنان ل دژی بارەگەهەکێ ئه‌مەریکی ل پارێزگەها حەسەکێ هاتە کرن و د ئەنجامێ دا کارمەندەکی ئه‌مەریکی هات کوشتن و 6 لەشکەرێن ئه‌مەریکی ژی بریندار بوون.
رۆژا دن ژی 2 بارەگەهێن دن یێن ئه‌مەریکایێ ل کێلگەها پەترۆلێ یا ئەل-ئۆمەر و کێلگەها گازێ یا جۆنۆجۆ ل پارێزگەها دێرەزۆرێ راستی ئێرشێن نوو یێن مووشەک و درۆنان هاتن و د ئەنجامێ دا لەشکەرەکی ئه‌مەریکی بریندار بوو.
لەشکەرێن ئه‌مەریکی د بەرسڤێ دا، ب فرۆکێن ف-15 ئێریشی ل سەر بارەگەهێن میلیشیایێن سەر ب ئیرانێ ڤە ل دێرەزۆرێ کرن، ل گۆری راپۆرتێن مەدیایی ژی د ئەنجامێ دا 19 چەکدارێن وان گرووپان هاتن کوشتن.
