هەری کێم 19 کۆچبەرێن ئەفریقی دەما هەول ددان د دەریا سپی را دەرباس ببن، ل نێزیکێ پەراڤێن تونسێ جانێ خوە ژ دەست دان.
رۆژا یەکشەمێ 26ێ ئادارا 2023ێ، رێخستنەکە مافێن مرۆڤان یا تونسێ راگهاند کو بەلەمەکە کۆچبەران دەما هەول ددا خوە بگه‌هینه ئیتالیایێ ل نێزیکێ پەراڤێن تونسێ بناڤ بوویە و د ئەنجام دا هەری کێم 19 کۆچبەران جانێ خوە ژ دەست دانە.
تیمێن سەر ب زێرەڤانێن پەراڤێن تونسێ ڤه پێنج کەس ل نێزیکێ پەراڤێن باژارێ مەهدیە یێ رۆژهلاتێ وەلات رزگار کرنە کو ژ باژارێ سەفاقس یێ باشوورێ باژارێ مەهدیە کەتبوون رێ.
ژ بلی ڤێ بەلەمێ، د چار رۆژێن بۆری دا، پێنج بەلەمێن دن یێن کۆچبەران ل نێزیکێ پەراڤێن باژارێ سەفاقس یێ تونسێ بنئاڤ بوونە و 9 کەسان جانێ خوە ژ دەست دانە و 67 کۆچبەرێن دن ژی وەندانە.
