وەزیرێ کارێن دەرڤەیێ ئامەریکایێ ماركۆ روبیۆ بەرسڤەکە توند دا رەخنەیێن سەرۆککۆمارێ ترکیەیێ رەجەپ تایییپ ئەردۆگان.
ئەردۆگان، سەرۆکێ ئامەریکایێ دۆنالد ترامپ ب وێ یەکێ تۆمەتبار کربوو کو سۆزێن خوە یێن ژ بۆ بداویکرنا شەرێ ل غەزە و ئوکراینایێ ب جهـ نەئانینە.
ئەردۆگان، دەما کو ژ بۆ جڤاتا گشتی یا نەتەوەیێن یەکبوویی ل نیۆیۆرکێ بوو، د هەڤپەیڤینەکە خوە یا ب فۆكس نیۆسێ رە گۆت کو شەرێن ل غەزە و ئوکراینایێ ب داوی نەبوونە.
ئەردۆگان سۆزێن ترامپ یێن د دەما هلبژارتنێ دە ب بیر ئانی کو گۆتبوو دێ هەر دو شەران ب داوی بینە و گۆت:
“ترامپ گۆت، ئەز دێ شەرێ رووسیا-ئوکراینایێ ب داوی بکم. ما قەدیا؟ نا. گۆت، ئەز دێ شەرێ غەزەیێ ب داوی بکم. ما قەدیا؟ نا.”
گۆتنێن ئەردۆگان، د وەشانەکە دن یا فۆكس نیۆسێ دە ژ وەزیرێ کارێن دەرڤەیێ ئامەریکایێ ماركۆ روبیۆ رە هاتن پرسین.
روبیۆ بەرسڤەکە توند دا رەخنەیان و گۆت، «سەرۆک (ئەردۆگان) لاڤا دکە دا کو ب ترامپ رە بجڤە».
وەزیرێ کارێن دەرڤەیێ ئامەریکایێ وها گۆت، سەرۆک دکارن چ بخوازن ببێژن لێ د داویێ دە دەما کو چارەسەریەک پێویست بە، دخوازن وەرن کۆچکا سپی.
سەرۆککۆمار ئەردۆگان ژی ڤێ هەفتەیێ ژ بۆ هەڤدیتنا ب سەرۆک رە تێ کۆچکا سپی.
هەموو دخوازن ب ترامپ رە باخڤن، دخوازن کو ئەو پرسگرێکێ چارەسەر بکە.
راستی ئەڤە کو ئیرۆ ژی جڤینێن مە هەنە و سەرۆک هەما بێژە لاڤا دکن کو ببن بەشەک ژ ڤان جڤینان.
ئەو تەلەفۆن دکن و دبێژن، مە ژی تەڤلی بکن، دەرفەتەکێ پێنج خولەکی بدن مە.
