ئالمانیا ئامادەکاریان دکە دیپلۆماتێن رووس ژ وەلاتێ خوە دەر بکە

ل گۆری ئاگاھیێن ھاتین راگھاندن، وەزارەتا کارێن دەرڤە یا ئالمانیایێ خوە ئامادە دکە کو زێدەتری 30 دیپلۆماتێن روسیایێ ژ وەلاتێ خوە دەر بکە.

ل گۆری ئاگاھیێن کو د کۆڤارا ئالمانی Focusێ دا ھاتن راگھاندن، وەزیرێ کارێن دەرڤە یێ ئالمانیایێ پلانسازیێ دکە کو زێدەتری 30 دیپلۆماتێن روس یێن ل بەرلینێ کار دکن دەرسینۆر بکە.

د نووچەیا ھاتی راگھاندن دا ھات دیارکرن کو ل گۆری ئاگاھیێن ھێزێن ئەولەھیێ، دیپلۆماتێن روس یێن کو دھات پلانکرن بێن دەرسینۆرکرن، ب لێگەرین و رازیکرنا سیخورێن د وارێن سیاسی، کارسازی، زانستی و لەشکەری دا ھاتنە تاوانبارکرن کو ژ بۆ روسیایێ کار بکن دا کو د سبەرۆژێ دا ئۆپەراسیۆنێن پۆچکرن و پرۆپاگندەیان، ب سوودوەرگرتنا ژ پارێزبەندیا وان پێک بینن.

روسیایێ بەرسڤ دا

چاڤکانیەک ژ وەزارەتا کارێن دەرڤە یا روسیایێ، د دەربارێ مژارێ دا ژ بۆ سپوتینکێ ئاخڤی و گۆت، “وەزیرا کارێن دەرڤە یا ئالمانیایێ ئانالینا باربۆک، تریاکا سیخوریێ ھەیە. بەرسڤا مە یا توند ل ھەمبەر ڤان گاڤێن نەباش یێن بەرلینێ ئامادە یە.”