ل باژارۆکێ لجێ سێ پۆلیس ب تۆھمەتا ئێشکەنجەکرنا زارۆکەکی 14 سالی د رۆژا نەورۆزێ دە ھاتن زندانیکرن.
ل باژارۆکێ لجێ یێ سەر ب دیاربەکرێ ڤە، زارۆکەکی 14 سالی ژ ئالیێ پۆلیسان ژبەر کو ھاتبوو ئیشکەنجەکرن د دەرھەقێ بوویەرێ دا سەردۆزگەریا کۆماری یا دیاربەکرێ لێپرسین دابوو دەستپێکرن.
د چارچۆڤەیا لێپرسینێ دا پێنچ پۆلیس ژ کار ھاتبوو دوورخستن و ب تۆھمەتا “بریندارکرنا مرۆڤەکی و بنپێکرنا مافێ ئازادیا وی” ئاراستەیێ دادگەھا دیاربەرکرێ ھاتبوون کرن و دادگەھێ بریارا زندانیکرنا سێ پۆلیسان دا و دو پۆلیس ژی ھاتن ئازادکرن.
زارۆکێ 14 سالی یووسووف دیکەن ئێڤارا رۆژا نەورۆزێ، پشتی کو ژ پیرۆزباھیێن نەورۆزێ دەردکەڤە لگەل ھەڤالەکی خوە بەر ب مالا خوە ڤە دچە، لێ ل گۆر ئاگاھیێن کو وی بەحس کرینە، 4 پۆلیس وی و زارۆکەکی دن یێ 10 سالی دەستەسەر دکن، پشترە، زارۆکێ 10 سالی بەرددن و یووسووف دبن ناڤ زەڤیەکا ژ باژێر دوور و لێ ددن.
