ل رحایێ 25 ئەندامێن ھەدەپێ و دەبەپێ ھاتن دەستەسەرکرن

ل باژارێ رحایێ یێ باکورێ کوردستانێ 25 کەس ھاتن دەستەسەرکرن کو ھەژمارەک ژ وان بەرپرس و ئەندامێن ھەدەپێ و دەبەپێ نە.

ھات راگھاندن کو ل ناڤچەیا پرسووسێ یا سەر ب پارێزگەھا رحایێ، ھێزێن ئەولەکاریێ ئیرۆ دانێ سبێ ئاڤێتنە سەر مالان و 25 کەس دەستەسەر کرنە کو ھەژمارەک ژ وان ئەندام و رێڤەبەرێن ھەدەپێ و دەبەپێ نە.

پۆلیسان، کەسێن دەستەسەرکری برنە ئاساییشا رحایێ و ناھێلن ھەتا 24 دەمژمێران پارێزەرێن خوە ببینن.

ل گۆر داخویانیا سەردۆزگەریا کۆماری یا پرسووسێ، دەستەسەرکری ب ئەندامتیا پەکەکێ، دابینکرنا پەرە ژ بۆ پەکەکێ تێن تۆھمەتبارکرن.