وەزارەتا بەرەڤانی یا رووسیایێ راگھاند، سیستەما بەرەڤانیا ئاسمانی یا وەلاتێ وان، مووشەکەکا بۆمبەیا زیرەک یا ئامەریکایێ خستە خوارێ.
ھات راگھاندن کو ھێزێن رووسی د رۆژەکێ دا 18 مووشەکێن دن یێن ھایمەرس یێن ئامەریکی کو ژ ئالیێ ھێزێن ئوکراینایێ ڤە ژ بۆ ئێریشکرنا سەر رووسیایێ ھاتنە بکارئانین، تێک برنە.
مووشەکا زەمینی یا کو ب “بۆمبەیا زیرەک” تێ ناسین، ژ دەستپێکا ئیسال ڤە ژ ئالیێ ئامەریکایێ ڤە بۆ ئوکراینایێ ھاتیە شاندن.
رۆژا 24ێ سباتا 2022یێ، ب فەرمانا سەرۆکێ رووسیایێ ڤلادیمێر پوتین، ئێریشی ئاخا ئوکراینایێ ھات کرن و ژ بەر ڤێ ب ھەزاران کەس ژ سەرباز و وەلاتیان ھاتن کوشتن و ب ملیۆنان ئوکراینی ژی ئاوارەی وەلاتێن ئەورۆپایێ بوون، ھەتا نھا ژی ئەڤ شەرە بەردەوامە.
