رێخستنا لێبۆرینێ یا ناڤنەتەیی د راپۆرا خوە یا سالانە دا بنپێکرنێن مافێن مرۆڤان یێن ل ترکیێ ژی نرخاند. د راپۆرێ دا ھات دەستنیشانکرن کو بکارئانینا ئازادیا رامانێ و مافێ خوەپێشاندانێ ھەر کو دچە تێ ئاستەنگکرن.
رێخستنا لێبۆرینێ یا ناڤنەتەوەیی (ئامنستی ئینتەرنەشنال) راپۆرا خوە یا سالا 2022-2023ێ یا ل سەر “ل جیھانێ رەوشا مافێن مرۆڤان” ئەشکەرە کر. د بەشێ ترکیێ دا ھات گۆتن کو گەلەک بنپێکرنێن مافێن مرۆڤان، ژ رەدکرنا مافێ خوەپێشاندانێ ھەتا ئیشکەنجەیێ، ھاتنە بکارئانین. سەکرتەرا گشتی یا رێخستنا لێبۆرینێ یا ناڤنەتەوی، کو پێشگۆتنا راپۆرێ نڤیساندیە، گۆت، “2023 سالڤەگەرا 75ەمین یا بەیاننامەیا گەردوونی یا مافێن مرۆڤانە کو ژ ئاخێن شەرێ جیھانێ ھات ئافراندن. مافێ کۆمبوونا ئاشتیانە ھات ئاستەنگکرن.”
د راپۆرێ دا ھات راگھاندن کو مەجلیسا ترکیێ د یاسایێن ھەیی یێن کو ئازادیا دەربرینێ یا ل سەر ئینتەرنەتێ زێدەتر تەنگاڤ دکە گوھەرتنێن توند کریە و ھات گۆتن، “لێپرسینێن بنگەھین، دادگەهکرن و سزادانا پارێزڤانێن مافێن مرۆڤان، رۆژنامەگەر، سیاسەتمەدارێن مووخالیف و ھتد زێدەتر بوونە”.
