دو چه‌كدارێن په‌كه‌كێ ته‌سلیم بوون

وەزارەتا به‌رگریێ یا تركیێ راگهاند کو ل هەرێما ئۆپەراسیۆنا پەنچە-کلیتێ 2 چه‌كدارێن په‌كه‌كێ د شکەفتێ دا خوە ڤەشارتبوون، دەرکەتن و تەسلیم بوون.

ئاژانسا ئه‌نادۆل یا ده‌وله‌تا ترك ئه‌ڤ داخۆیانییا وەزارەتا به‌رگریێ یا تركیێ، دوهـ رۆژا سێشه‌می 28\3\2023 به‌لاڤ كر و تێ ده‌ هاتیه‌ كو ب سایا ئۆپەراسیۆنێن هێزێن چەکدارێن ترک تەسلیمبوونا چه‌كدارێن په‌كه‌كێ دەوام دکە.

هات گۆتن کو د ڤێ چارچۆڤەیێ دا ل هەرێما ئۆپەراسیۆنا پەنچە-کلیتێ كو ئه‌ڤ ئۆپه‌راسیۆن ل باشوورێ كوردستانێ ل دژی په‌كه‌كێ ده‌ستپێكربوو، 2 چه‌كدارێن رێخستنێ د شکەفتێ دا خوە ڤەشارتبوون، دەرکەتن و تەسلیم بوون.

د داخۆیانییا وه‌زاره‌تێ ده‌ نه‌هات گۆتن ل كیژان ناڤچه‌یا باشوورێ كوردستانێ ئه‌ڤ چه‌كدارێن په‌كه‌كێ ته‌سلیمبوونه‌ و په‌كه‌كێ ژی ت ئاگاهی ده‌ربارێ وه‌ندابوون و ب دیل گرتنا وان چه‌كدارێن خوه‌ نه‌ دانه‌.