د ئەنجاما ئێریشەکە مووشەکی یا ئیسرائیلێ ل سەر دەردۆرا شامێ دە، 2 لەشکەرێن ئارتێشا سووریێ بریندار بوون و زیانێن مادی چێبوون.
ژێدەرەکی لەشکەری ژ ئاژانسا «سانا» رە راگهاند، «ئیرۆ بەربانگێ دەمژمێر 1:20 ئیسرائیلێ ژ ئالیێ جۆلانێ ڤە ب چەند مووشەکان ئێریشەکە ئاسمانی پێک ئانی و هن خالێن ل دەردۆرا شامێ کرن ئارمانج.
وی ژێدەری گۆت ژی، سیستەما بەرەڤانیا ئاسمانی رووبروویی مووشەکان بوو و هەژمارەک ژ وان خستن خوارێ.
ئاماژە ب وێ یەکێ ژی کر، د ئەنجاما وێ ئێرشێ دە 2 لەشکەر بریندار بوون و زیانێن مادی چێبوون.
ژ سالا 2011ێ، هەر جار ئیسرائیل ئێریشی بارەگەهێن ئارتێشا سووریێ و میلیشیایێن سەر ب ئیرانێ ڤە دکە. ئیسرائیل سووریێ تۆمەبار دکە کو رێ ددە حزبولاها لبنانی و هێزێن ئیرانی ژ ناڤا خاکا سووریێ ڤە ئێریشی ئیسرائیلێ بکن.
حەفتیا بۆری ژی ئیسرائیلێ ب مووشەکان ئێریشی فرۆکخانەیا حەلەبێ یا ناڤدەولەتی کر و د ئەنجامێ دە زیانێن مادی گهەشتن فرۆکخانەیێ و ژ بۆ دو رۆژان ژی ژ خزمەتێ دەرکەتبوو.
