ئامەریکایێ دەربارێ نەفت و پەترۆلا ھەرێما کوردستانێ دا داخوازەک ژ ئیراق و ترکیێ کر.
ل گۆر زانیاریێن بەردەست کو بەرپرسەکی وەزارەتا دەرڤەیا ئامەریکایێ راگەھاندیە، ئامەریکایێ داخواز ژ حکوومەتا ئیراق و ترکیێ کریە، دەست ب ھەناردەکرن و شاندنا نەفتێ ب رێیا بۆریا نەفتا ھەرێما کوردستانێ ڤە بۆ بەندەرا جەیھانا ترکیێ بکن، ژ بەر راگرتنا شاندنا نەفتێ د دابین کرنا ووزەیا جیھانێ دا نە د بەرژەوەندیا چ ئالیەکی دایە.
ھەروەھا ھەمان بەرپرسی دیار کریە کو لژنەیەکا بلندا ھەماھەنگیێ د ناڤبەرا ئامەریکا و ئیراقێ دا ل واشنگتۆنێ ھەیە، بەرپرسێن ئامەریکایێ د ناڤ وێ لژنەیێ دا بەردەوام داخواز ژ بەرپرسێن ھەردو حکوومەتێن ئیراق و حکوومەتا ھەرێما کوردستانێ دکن، پرسگرێکێن پێوەندیدار ب نەفت و بودجەیێ د چارچۆڤەیا دەستوورێ دا چارەسەر بکن.
بەری ناھا ئامەریکایێ ب فەرمی راگەھاندبوو، ھەرێما کوردستانێ ھەڤپەیمانێ وانێ ستراتەژیکە و د ڤێ چارچۆڤەیێ دا ژی پێوەندیێن وانێن ل گەل ھەرێما کوردستانێ بھێزن.
