ل کۆبانێ زارۆکەکێ 8 سالی کەتە ناڤا بیرەکێ و پشتی 11 دەمژمێران ژ کەدێن رزگارکرن و دەرخستنێ، جانێ خوە ژ دەست دا و تەرمێ وی هاتە دەرخستن.
ل گوندێ دیهەبانێ سەر ب کۆبانێ ڤە، دوهی دەمژمێر 13:00 زارۆکێ 8 سالی یێ ب ناڤێ سالح کەتە بیرەکێ و د کووراهیا 40-50 مەترۆیی دە ئاسێ بوو. ژ بەر نەبوونا ئالاڤ و ئاموورێن پێشکەتی، گوندیان ژی ب کارینێن دەستپێکی هەولا رزگارکرن و دەرخستنا وی دان.
ل گۆری ژێدەرێن خوەجهی، ژ بەر کێمبوونا ئۆکسجینێ و شەرت و مەرجێن دژوار يێن رزگارکرنێ، وی زارۆکی پشتی 11 دەمژمێران جانێ خوە ژ دەست دا. تیمێن رزگارکرنێ ژی تەرمێ وی دەرخستن.
ل گۆری ژێدەران، بیر 120 مەترۆیان کوورە، زارۆک ژی د کووراهیا 40 هەتا 50 مەترۆیان دە ئاسێ مابوو.
