رۆژنامەیا “وال سترێت جۆرنال” یا ئامەریکی ل سەر زارێ ژێدەرێن ئاگاھدار راگھاند، دبە کو د داویا ڤێ مەھا نیسانێ دا سەرۆکێ مسرێ عەبدولفەتاح ئەل-سیسی و سەرۆکێ سووریێ بەشار ئەسەد بجڤن.
دوھی شەمبیێ، وەزیرێ دەرڤەیێ مسرێ سامح شوکری ل قاھیرە ب ھەڤتایێ خوەیێ سووریێ فەیسەل ئەل-مقداد رە جڤیابوو و تێ دە بەحسا “خورتکرنا پێوەندیێن دوئالی د ناڤبەرا ھەر دو وەلاتان دا” کرن.
ل گۆری وال سترێت جۆرنال، مسر و سووریا د دانووستاندنێن پێشکەفتی دا نە، ژ بۆ ڤەگەراندن و ئاساییکرنا پێوەندیێن دیپلۆماتیک، پشتی دەھ سالان ژ قوتبوونا وان.
ل گۆری رۆژنامەیا ئامەریکی، ئەڤ دانووستاندن د دەمەکێ دا نە، وەلاتێن عەرەبان ھەول ددن پێوەندیێن خوە لگەل رێژیما سووریێ ئاسایی بکن، ئەڤ پێشڤەچوونێن بلەز ژی، نەخشەیا ئەردنیگاریا سیاسی ل رۆژھلاتا ناڤین دێ ژ نوو ڤە دارێژیت.
ل گۆری ژێدەرێن وال سترێت جۆرنال، دبە کو سیسی و ئەسەد پشتی مەھا رەمەزانێ، د داویا مەھا نیسانێ دا بجڤن. بال کشاندن سەر وێ یەکێ ژی کو ھەتا نھا دەم و جھێ جڤینا موحتەمەل نەھاتیە دیارکرن.
