د سالێن داوین دا گەلەک گرتیخانە ل ترکیێ ھاتن ئاڤاکرن. ل شوونا کو گرتیخانە و تاوان ل ترکیێ کێمتر ببن، زێدەتر بوون. ژ بەر ئابۆرییا تێکچوویی و کێمبوونا دەرفەتێن دەبارێ، سووز و تاوان ژی پێ رە زێدە بوونە و جیھ د گرتیخانان دا نەمایە. ژ بەر ڤێ، ھەر کو دچە گرتیخانە ل سەر گرتیخانێ تێن ئاڤاکرن و وەک مەزنان زارۆک ژی دبن بەشەک ژ گرتییێن زندانێ.
راپۆرا ئالیکارا سەرۆکا گشتییا مافێن مرۆڤان یا جەهەپێ «گولیزار بیچەر کاراجا»، یا ب سەرناڤێ “گرتیگەھا زارۆکان” پرسگرێکێن ل گرتیگەھان ئەشکەرە دکە.
ل گۆر لێکۆلینان، پار 30 ھەزار و 300 زارۆک مەحکووم بوون و کەتن زندانێ. ژ وان 15 ھەزار زارۆک د بن چاڤدێرییێ دا ل دەرڤە تێن شۆپاندن و یێن مایی ژی د گرتیخانەیان دا گرتی نە.
