سازیا سڤیل Alarm Phone راگهاند، ل دەریایا سپی یا ناڤەراست کەشتیەکە پەنابەران کو 400 کەس تێدەنە ئاسێ مایە و پەنابەر ل بەندا رزگارکرنێ نە.
ل گۆر زانیاریان، کەشتیەکە پەنابەران کو 400 کەس ژ باژارێ تۆبروکێ یا لیبیایێ هلگرتبوو، ل دەریایا ناڤەراست د ناڤبەرا لیبیا و مالتایێ دە رێیا خوە شاش کریە و ئاڤ چوویە ناڤ کەشتیێ و ئاسێ مایە و پەنابەر ل پەراڤێن یوونانیستان و مالتایێ چاڤه‌رێیا رزگارکرنێ نە.
ژ ئالیەکی دن ڤە سازیەکە دن یا مرۆڤی یا ئالمانی «Resqship» ژی راگهاند، ل دەریایا ناڤەراست د بوویەرەکە دن دە کەشتیا پەنابەران بن ئاڤ بوو و هەری کێم 23 پەنابەر جانێ خوە ژ دەست دانە.
دەریایا سپی رێیا هەری مەترسیدارا کۆچبەریێ یه ل جیهانێ، رێخستنا کۆچێ یا ناڤدەولەتی و ئاژانسا نەتەوێن یەکگرتی تەخمین دکن کو د سالا 2022ان دە 1417 کۆچبەر ل ور وندا بوونە.
