ھێژ ھوورگلیێن ئێریشا ل سەر بالەفرخانەیا سلێمانیێ ب تەمامی نەھاتنە ئەشکەرەکرن. ھەتا نھا گەلەک ئالیێن تاری یێن ڤێ بوویەرێ ھەنە. یەنەکە و پەکەکە ب ھەموو ھێزا خوە ڤە ھەول ددن کو راستیا بوویەرێ ئەشکەرە نەبە. ھەر تم نووچە و ئاگاھیێن سەختە بەلاڤ دکن.
مینا کو پلانێن وان ب سەر نەکەتی و ل سەر بوویەرێ ھاتیە گرتن ھەر دو ھێز ڤەجنووقی تەڤدگەرن. بێی شک گومانبارێن سەرەکی یێن دایینا ئیستخباراتێ یەنەکە و پەکەکە نە.
کێ ئیستخبارات دا ترکا؟
د مەدیایا پەکەکێ دە نووچە و شیرۆڤەیێن سەختەکرنا بوویەرێ تێن بەلاڤکرن. وەکە کو یێ ئیستخباراتا مەزلووم عەبدی دایە ترکان پەدەکە یە. لێبەلێ، ھەکە لیستەیەک گومانباران بهێت چێکرن، رێڤەبرێن پایەبلندێن یەنەکێ و پەکەکێ تەنێ دزانن کو مەزلووم عەبدی کەنگی ژ رۆژئاڤا ھاتیە سلێمانیێ و دێ کەنگێ ڤەگەرە رۆژئاڤا.
گەر ئەم وە بفکرن کو مەزلووم عەبدی بێیی ھایا جەمیل بایک ھاتیە سلێمانیێ، وێ خەلەت بە. د راستیێ دا تێ گۆتن کو مەزلووم عەبدی ژ بۆ جڤینا مەجلیسا رێڤەبەرا پەکەکێ کو جەمیل بایک ب خوە ژی تێ دە ئامادە بوو ھاتیە سلێمانیێ.
واتە ئەگەر ئیستخبارات گھەشتبە ترکان، گومانبارێن سەرەکە یەنەکە و پەکەکەنە. ھەر کەس باش دزانە کو پەکەکە و میت چقاس د ناڤا ھەڤ و نیزیکی ھەڤ دژین. ھەر تم چاڤکانیا سەرەکەیا ئاگاھییێن میتێ پەکەکەیە. رۆژا پەکەکە هاتیە دامەزراندن ھەیا ئەڤرۆ ئاگاھییان بۆ میتێ تۆمار دکە.
ھەگەر ئەم ڤەگەرن سەر بوویەرا مەزلووم عەبدی، دڤێت ئەم حەسابا ئیرانێ بکن. ژ بەر کو سلێمانی وەکە باژارەژی ئیرانێ لێھاتییە. چووچک ل سەر سلێمانییێ بفرە ئاگاھییا ئیرانێ پێ چێدبە. یەک سازیەک یەنەکێ، یەک تاخەکی سلێمانییێ و یەک رێخستنەکی یەنەکێ نەمایە کو ئیتلاعاتا ئیرانێ خوە تێدە رێخستن نەکربە. رێڤەبەرێن پەکەکێ ب تایبەت جەمیل بایک ل سلێمانیێ د بن ئەولەھیا ئیرانێ دە دژین. پەکەکە د ناڤا کەفا دەستێ ئیرانێ دایە. ئیرانێ رۆژئاڤا دییاری پەکەکێ کر. لێ بەلێ ئیران ژی ژ ھەبوونا ئامەریکایێ یا ل رۆژئاڤا ژی پڕ عاجزە. ژ بەر پاساوانییا ئەمەریکا بۆ مەزلووم عەبدی دکە ژی عاجزە. ھایا ئیرانێ ژ سەرەدانا مەزلووم عەبدی یا ژ بۆ سلێمانیێ د بن کۆنترۆلا ئامەریکا دە ھەیە. ھەر وھا ژ ھاتنووچوونا رێڤەبەرێن پەکەکێ ب ھەلیکۆپتەرێن ئەمەریکا ژی دلگرانە. میناک ئیران دزانە کو دوران کالکان د سالا 2017ێ دە ب ھەلیکۆپتەرا ئەمەریکا ژ سلێمانیێ چوویە رۆژئاڤا و ل سەر ڤێ یەکێ ھشیاری دا بوو پەکەکێ. ئیحتیمالا کو ئیرانێ خوەستبە ب ڤی ئاوایی جارەکە دن خوە بینە بیرا پەکەکێ هەیە. ژ بەر ڤێ سەدەمێ، ھندەک شیرۆڤەکار دبێژن چاڤکانیا ئیستیخباراتا ترکیەیێ ئیرانە.
واتە یێن کو ئیستخبارەتا دەربارێ مەزلووم عەبدی دە دایی ترکان ئەڤ ھەرسێ ھێزێن چەتە نە: پەکەکە، یەنەکە و ئیران.
جەمیل بایک: 37 سالن د بن پاراستنا ئیستخباراتا ئیران و سووریێ دە دژی
دەما کو راستی ب ڤی رەنگی نە ژی، پەکەکە ڤێ بوویەرێ ژ بۆ خوە دقولپینە رانتا سییاسی. لۆما ژی دەملدەست داخویانی دا و پەدەکە تەوانبار کر. د داخویانیا ل سەر ناڤێ کۆمیتەیا تێکلیێن دەرڤە یا کەجەکێ ھاتی کرن دا دبێژە “پەدەکە سپۆنسۆرێ دەولەتا ترک یا داگیرکەرە” کەجەکێ ب ڤێ سەرنڤیسا بێ ئەخلاق داخویانی بەلاڤکر. لێ بەلێ راستی ئەڤە: پەکەکە نە تەنێ سپۆنسۆرێ ترکیەیێ یە، د ھەمان دەمێ دا سپۆنسەرێ داگیرکەرێن ھەر چار پارچەیێن کوردستانێیە.
کۆمیتەیا تێکلیێن دەرڤە یا کەجەکێ ژ کۆمەک کادرۆیێن پەکەکێ یێن ل سلێمانیێ پێک تێ و رۆژانە دگەل جەمیل بایک دا د ناڤا تێکلیێ دا نە. واتە راڤەکرن ژی راڤەکرنا جەمیل بایک ب خوەیە. ژ بەر ڤێ یەکێ ژی بەرسڤدایینا جەمیل بایک و چەتەیێن وی و ڤەکرنا دەفتەرێن وان یێن کەڤن بوویە فەرز.
پەکەکە ب بەرناما خوەیا سییاسی کو دبێژە؛ ترکیەیا دەمۆکراتیک، ئیرانا دەمۆکراتیک، دۆستێ مە یێ رەسەن بەشار ئەسەد و ھتد. یا کو خزمەتا ئیستیخباراتا ھەموو دەولەتێن داگیرکەر دکە پەکەکەیە. جەمیل بایک ب ناڤێ تەکۆشینا کوردستانێ، ژ سالا 1986ێ و ڤر ڤە رۆژەکێ ژی ژ بێ ئاگاھییا ئیستیخباراتا ئیرانێ و موخابەرەتا سوریەیێ گاڤ نەهاڤێتیە چ جھان. بەلێ، موحتەرەم جەمیل بایک ئەڤ 37 سالن د بن سپۆنسەریا ئیستخباراتا ئیران و سووریێ دە دژیت. ژ سالا 1992 ڤە سینۆرێ ترکییێ ب دووربینێ ژی نەدیتییە. بێ گومان ئیران ژ بۆ جاڤێن جەمیلیێن بەلەک وی نا پارێزە. جەمیل بایک ھێکێن زێری ژ بۆ ئیرانێ دکە لەوما ئیران ژی وی وەکە ئەولادێ خوە دپارێزە.
سەر و دووڤێ پەکەکێ گەنی بوویە و بێھنێ دکە
راستە ماسی ژ سەری گەنی دبە. عەڤدلا ئۆجەلان ژ بۆ کو نەیێ دارڤەکرن، د سالا 1999 دا ب ناڤێ ڤەکشینا ژ باکور ب ھەزاران گەریلا تەسفیە کرن و گۆت ئەز خزمەتکارێ دەولەتا خوە مە. جەمیل بایک گۆت، “ئەگەر سەرۆک دبێژە ئەز خولامێ دەولەتێ مە، ما چما ئەز نەبم؟”
نھا کۆما کو ژ ئەندامێن کۆمیتەیا تێکلیێن دەرڤە یا پەکەکێ یا ب ناڤێ کادرۆیێن ناڤین پێک تێ، ل پشت راستیێن پارتیا خوە یێن گەنی و قرێژ دمەشن. ھەموو پێکھاتەیێن کەجەکێ ب ھەڤ رە د بن ئالایێ ئەنیا دژە کوردستانی یا د بن باسکێن “حەشدا شەعبی یا ئیراقێ، ئیتیلاعاتا ئیرانێ، موخابەراتا سووریێ و ھندەک باسکێن دەولەتا کوور یا ترک دا تەڤدگەرن. ژ بەر ڤێ یەکێ مخابن پەکەکە ب سەر و دووڤێ خوە ڤە سپۆنسەرێ کۆلۆنیالست و داگیرکەرێن کوردستانێیە.
چاوا کو مرۆڤ ل خوودیکێ دنێرە و راستیا خوە دبینە، پەکەکە ژی ھەر ل 44 سالێن رابردوویا خوە دنێرە و دبینە کو د ئەنجام دا چ دەستکەفتەک نینە. وەکە راقیسەیەکێ د ناڤا ھەمبێزا ئیستخبارەتێن دەولەتێن داگیرکەر دا درەقسە. و یا دبێژنێ حەیا، نامووس و دامەن پاکژی هیچ نرخەک بۆ نەمایە. ھەتا ئەو قاس کەتییە ئاستەکی ژێر کو سەرۆکێ وێ ژی ببێژە “دایکا من ژی ترکە.”
بەرووڤاژی ڤێ یەکێ پەدەکە وەکە ھێزا نەتەوی ل سەر ئاستا ھەرێمێ و جیھانێ خوەدی ناسنامەیەکا سییاسی و ئیدارییە. پەکەکە سەروەرییا پەدەکێ وەکە تونەبوونا خوە پێناسە دکە لەوما ژی دژمناتیا پەدەکێ ژ بوو خوە وەکە ئەرکەکی مان و نەمانێ دبینە.
