هه‌ڤپه‌یمانییا ناڤده‌وله‌تی باله‌فره‌كه كه‌شفێ كو دبه یا ملیسێن ئیرانێ به ل گونده‌وارێ دێرازوورێ خسته خوارێ، ئه‌ڤ یه‌ك پاش كه‌تنا مووشه‌كه‌كێ ب كێلگه‌ها گازا كونيكو یا ل ژێر ده‌ستێ هه‌ڤپه‌یمانیێ تێ.
روانگه‌ها سووری یا مافێن مرۆڤان راگهاند كو هه‌ڤپه‌یمانییا ناڤده‌وله‌تی دوهـ رۆژا دوشه‌می 10/4/2023 باله‌فره‌كه كه‌شفێ ل گونده‌وارێ دێرازوورێ خسته خوارێ كو دبه یا ملیسێن ئیرانێ به.
ده‌ستنیشان كر، باله‌فرا ئیرانی ل گوندێ تابیه یێ رۆژهلاتا گونده‌وارێ دێرازوورێ كه‌تیه.
روانگه‌ها سووری هه‌ر وها ئه‌شكه‌ره كر، خستنا بالافرا كه‌شفێ یا ئیرانێ پاش كه‌تنا مووشه‌كه‌كێ ل كێلگه‌ها گازا كونيكو یا ل ژێر ده‌ستێ هه‌ڤپه‌یمانیێ تێ.
هه‌ڤپه‌یمانییا ناڤده‌وله‌تی ژ 5ی نیسانێ ڤه ل گونده‌وارێ باكورێ دێرازوورێ ده‌ست ب مانۆرێن له‌شكه‌ری كرنه وه‌كه ئاماده‌هییه‌كێ ژ بۆی هه‌ر ره‌وشه‌كه نه ئه‌وله، پشتی كو هنه‌ك ژ بنكه‌یێن وان راستی ئێریشێن مووشه‌كی یێن ملیسێن ئیرانێ هاتین.
