رێڤەبەریا کەشوھەوایێ یا ترکیەیێ ژ بۆ 16 باژارێن ترکیێ و باکورێ کوردستانێ ھشیاریا بارانەکا بھێز ددە. ل گۆر ھشیاریێ دێ ل ھن ناڤچەیان ژی بەرف ببارە.
رێڤەبەریا کەشووھەوایێ یا ترکیەیێ د ھشیارنامەیەکا خوە یا نوو دە دا زانین، دێ ئیرۆ ل 16 باژارێن ترکییێ و باکورێ کوردستانێ بارانەکا بھێز ببارە و ئەگەرا رابوونا لەھیێ ژی ھەیە.
د ھشیارنامەیێ دە ھەر وھا ھاتە دیارکرن، ل چەندین ناڤچەیان ژی ئەگەرا بارینا بەرفێ ھەیە.
ژ ئالیەکی دن ڤە ل پرانیا باژارێن باکورێ کوردستانێ ژی ژ دوھ ڤە باران دبارە و ل ھن جھان ھەژمارەک مال و کارگەھ د بن ئاڤێ دا مان.
ل رحایێ ژی ژ بەر بارانا زێدە، ل ناڤچەیێن ھالفەتی، بۆزۆڤا، جەیلانپنار و پرسووسێ ھن مال و جھێن کار د بن ئاڤێ دە مان.
ھەر وھا ل بەژاھیا ناڤچەیێ ھن زەڤیێن چاندنیێ ژی ژ بەر کو د بن ئاڤێ دە مان، زرار دیتن.
