رەوانگەھا سووریەیێ یا مافێن مرۆڤان راگھاند، “ژ ئەنجاما شەر و پەڤچوونێن د ناڤبەرا کۆمێن چەکدار دە ل سووەیدایێ ل باشوورێ سووریەیێ، ھەری کێم 37 کەس ھاتنە کوشتن و زێدەتری 50 کەسێن دن ژی بریندار بوونە.”
رەوانگەھا سووریەیێ یا مافێن مرۆڤان رۆن کریە، “پشتی رەڤاندنا جوانەکی دروورزی ل سەر رێیا سەرەکی یا کو شام و باژارێ سووەیدایێ ب ھەڤ ڤە گرێ ددە، توندووتووژی ل پارێزگەھا سووەیدایێ زێدە بوویە.”
ل گۆری ئامارێن رەوانگەھێ و چالاکڤانێن دەڤەرێ، ھەری کێم 27 کەس ژ پێکھاتەیا درووزان ھاتنە کوشتن، تەڤی 10 ئەندامێن پێکھاتەیا بەدەویان و ھەروەسا زێدەتری 50 کەسان ژی بریندار بوونە.
د ڤێ ناڤبەرێ دە، وەزارەتا بەرگریێ یا سووریەیێ ھێزا لەشکەری شاندیە وێ دەڤەرێ دا کو گرژیان کۆنترۆل بکە.
رێڤەبەرێ رەوانگەھا سووریەیێ یا مافێن مرۆڤان رامی عەبدلرەحمان ژی دوھی یەکشەمبێ، 13ێ تیرمەھا 2025ێ راگھاند، “د شەر و پەڤچوونێن سووەیدایێ دە، 21 کەس ھاتنە کوشتن و 80 کەسێن دن ژی بریندار بوونە.” ھەروەسا گۆت، “شەر و پەڤچوونێن گران د ناڤبەرا کۆمێن چەکدار دە چێ بوونە.”
ھەر ل گۆری ئامارێن وێ رێکخستنێ، د ناڤ مریان دە 10 دروورزی ھەنە کو ھندەک ژ وان ژی زارۆکن.”
