وەزیرێ دەرڤەیێ ترکیەیێ ھاکان فیدان راگھاند، وەلاتێ وی وەک ناڤبەینکار پەیامەکا ئامەریکایێ یا دەربارێ ئەگەرا ژ نوو ڤە دەستپێکرنا گۆتووبێژێن ل سەر بەرنامەیا ئەتۆمی دە، گھاندیە ئیرانێ.
فیدان ژ بۆ رۆژنامەڤانان راگھاند، “من لگەل نوونەرێ تایبەتێ سەرۆکێ ئامەریکایێ ستیڤ ویتکۆف گۆتووبێژ کر. ئالیێ ئامەریکی چەند پەیامێن وی یێن ل سەر مژارا ژ نوو ڤە دەستپێکرنا دانووستاندنان ھەبوون. مە کاری ڤان پەیامان ل کێلەکا جڤینا بلند یا برجسێ بگھینن ئالیێ ئیرانی.”
ئەڤ پێنگاڤا دیپلۆماتیک د دەمەکێ دە تێ، دوھ سەرۆککۆمارێ ئیرانێ مەسعوود پزیشکیان د ھەڤپەیڤینەکێ دە لگەل رۆژنامەڤانێ ئامەریکی “توجکەر جارلسۆن” دە راگھاندبوو، وەلاتێ وی ئامادەیە دانووستاندنێن لگەل ئامەریکایێ ژ نوو ڤە بدە دەستپێکرن، لێ وی تەکەزی ل سەر “پرسا پێباوەریێ”یا د ناڤبەرا ھەردو ئالیان دە کربوو.
سەرۆککۆمارێ ئیرانێ ھەروھا گۆتبوو: “کریارێن ئیسرایلێ قەیرانەک ئافراندیە و دڤێت ئەم ڤێ قەیرانێ دەرباس بکن.”
