د دەمەکێ دە کو چاڤ ل سەر پێڤاژۆیا دانینا چەکان یا پەکەکێ یە، سەرۆکێ سازیا ئیستخباراتا ترکیەیێ (میت) ئیبراھیم کالن سەردانا بەغدایێ کر و لگەل سەرۆکوەزیرێ ئیراقێ محەمەد شیاع سوودانی جڤیا.
ل گۆر داخویانیا ئۆفیسا سەرۆکوەزیرێن ئیراقێ، جڤین ئیرۆ 8ێ تیرمەھا 2025ێ پێک ھات. د جڤینێ دە، کالن سلاڤێن سەرۆککۆمارێ ترکیەیێ رەجەب تەییب ئەردۆگان گھاندن سوودانی. ھات راگھاندن کو ئەردۆگان داخوازا پێشخستنا پێوەندیێن دوئالییێن د ناڤبەرا ھەردو وەلاتان دە د وارێ ھەڤکاری و بەرژەوەندیێن ھەڤپار دە دوبارە کریە.
د ھەڤدیتنێ دە، ب تایبەتی بەحسا مژارێن ئەولەھیێ یێن ھەڤپار و ھەڤاھەنگیا زانیاریێن ئیستخباراتی یێن د ناڤبەرا ھەردو وەلاتان دە ھات کرن. ھات تەکەزکرن کو ئارمانج ژ ڤێ ھەڤکاریێ، خورتکرنا ئارامیێ ل سەر سینۆرێن ھەڤپار و ل ھەرێمێ ب گشتییە.
ئەڤ سەردان د دەمەکێ دەیە، دهێتە تەخمینکرن ھەتا رۆژا ئینێ یا ڤێ ھەفتەیێ، قۆناغەکا نوویا پێڤاژۆیا دانینا چەکان یا ژ ئالیێ کۆمەک چەکدارێن پەکەکێ ڤە دەست پێ بکە. ژ بەر ڤێ یەکێ، ھەڤدیتنا کالن و سوودانی وەک گاڤەکا گرینگا ھەڤاھەنگیا د ناڤبەرا ئەنقەرە و بەغدایێ دە د ڤێ قۆناغا ھەستیار دە تێ دیتن.
