فەرماندەهیا هێزێن ناڤەندی یێن ئه‌مەریکایێ (CENTCOM) راگهاند کو وان ل رۆژهلاتێ سووریێ ب ئالیکاریا هەلیکۆپتەران فەرماندارەکی داعشێ یێ ب ناڤێ حوزەیفه ئەل یەمەنی و 2 جیگرێن وی دیل گرتن.
د داخویانیا نڤیسکی یا CENTCOM دە تێ گۆتن، هێزێن وان ئۆپەراسیۆنەک ل دژی داعشێ ل رۆژهلاتێ سووریێ پێک ئانینە کو د ئۆپەراسیۆنێ دە هەلیکۆپتەر هاتنە بکارانین.
فەرماندەهیا هێزێن ناڤەندی یێن ئه‌مەریکایێ دەستنیشان کریە، د ئۆپەراسیۆنێ دە فەرماندارەکی پلەبلندێ داعشێ یێ ب ناڤێ حوزەیفه ئەل-یەمەنی و دو جیگرێن وی هاتنە گرتن.
د داخویانیێ دە تێ گۆتن، حوزەیفه ئەل-یەمەنی یەک ژ پلانگەرێن ئێریشێ یێن داعشێ یە و د ئۆپەراسیۆنا سەردەگرتنا لەشکەرێن ئه‌مەریکایێ یا ب هەلیکۆپتەرێ دا هاتیە گرتن.
ل گۆر داخویانیا CENTCOM ، د ئۆپەراسیۆنێ دا چ ونداهیێن سڤیل چێنەبوونە و هات دەستنیشانکرن کو گرتنا یەمەنی دەربەیەکە گرنگ ل هێزا داعشێ بۆ لدارخستنا ئێریشان دایە.
