دو بارەگەھێن لەشکەری یێن ئارتێشا ترکیێ ل باژارێ عەزازێ راستی ئێریشەکە مووشەکی ھاتن و د ئەنجامێ دە 4 لەشکەرێن ترکیێ بریندار بوون.
رەوانگەھا سووریێ یا مافێ مرۆڤان بەلاڤ کر، ژ ناڤچەیێن د بن کۆنترۆلا یەپەگێ و رێژیما سووریێ دە، ب مووشەکان ئێریش ل سەر 2 بارەگەھێن لەشکەری یێن ئارتێشا ترکیێ ل نێزیکی باژارێ عەزاز ھاتە کرن.
دیار کر ژی، د ئەنجاما ئێریشێ دە 4 لەشکەرێ ترکیێ بریندار بوون کو ھن ژ وان ب گرانی بریندار بووبوون و ژ بۆ نەخوەشخانەیێن ترکیێ ھاتن ڤەگوھسەتن.
ژ ئالیێ خوە ڤە، وەزارەتا بەرەڤانیێ یا ترکیێ پشتراست کر، د ئێرشەکە یەپەگێ دە ل ھەرێمێن ئۆپەراسیۆنا “شاخا زەیتوونێ و مەرتالا فراتێ” 4 لەشکەرێن وان بریندار بوون.
ھەر وھا رەوانگەھێ دیار کر ژی، ئارتێشا ترکیێ و چەتەیێن وێ ب چەکێن گران دەردۆرا گوندێن مەراناز، ھۆرش، سۆخۆنەکێ، دەردۆرا فرۆکخانەیا لەشکەری یا منگێ، ئەل-بەیلوونیە، ئەل-ئەلقەمیێ، شەوارخا، ئەل-ئشرادیێ، تاتمەراش، بێنێ و ئاقیبێ یێن عەفرینێ یێن د بن کۆنترۆلا یەپەگێ و رێژیما سووریێ دە تۆپباران کرن.