دەمیرتاش: چ گارانتی نینە کو ئەردۆگان ب سەر نەکەڤە

دەمیرتاش: چ گارانتی نینە کو ئەردۆگان ب سەر نەکەڤە

ھەڤسەرۆکێ بەرێ یێ ھەدەپێ سەلاحەدین دەمیرتاش گۆت، چ جوداھی د ناڤبەرا دەنگدانا ب موحەرەم ئینجە و دەنگدانا ب رەجەب تەییب ئەردۆگان دە نینە و گەر ھلبژارتن دەرباسی گەرا دویەمین ببە، چ گارانتی نینە کو ئەردۆگان ب سەر نەکەڤە.

ھەڤسەرۆکێ بەرێ یێ گرتی یێ ھەدەپێ سەلاحەدین دەمیرتاش ژ CNN رە دەربارێ ھلبژارتنێن 14 گولانێ دە ئاخڤی و گۆت، ئەگەر دەنگدەر گوھ بدن سندۆقان، ب ئاوایەکی ئاکتیف بەشداری پرۆسەیا دەنگدانێ ببن، ھلبژارتنا سەرۆککۆماریێ دێ د گەرا یەکەم دە بێ دیارکرن.

دەمیرتاش گۆت، دەنگدەرێن کو دخوازن ھلبژارتنا سەرۆککۆماریێ بچە گەرا دویەم، دڤێت راستەراست دەنگێ خوە بدن ئەردۆگان، ژ بەر کو ل گۆری ھەڤکێشەیا سیاسی یا نھا ل ترکیێ، چ جوداھی د ناڤبەرا دەنگدانا ب موحەرەم ئینجە و دەنگدانا ب رەجەب تەیب ئەردۆگان دە نینە.

دەمیرتاش گۆت، گەر د گەرا یەکەم دە دەنگێن پێویست ب دەست خوە نەخن، چ گارانتی نینە کو ئەردۆگان ب سەر نەکەڤە.

دەربارێ رەخنەیێن کو ھەدەپێ کاندیدێ سەرۆککۆماریێ دەستنیشان نەکریە دە ژی دەمیرتاش گۆت: “کابووسا ھەری خەرابا ئەردۆگان ئەوە کو پارتیا مە کاندیدێ خوە دەستنیشان نەکریە. نھا ژی ب رێیا مە ھەول ددە برێز کلچدارۆغلو بێزار بکە، ژ بەر کو ئەڤ یەک بوویە. د ھلبژارتنێن ھەرێمی دە ژی ھەمان تاکتیک سەپاند و پاشڤە چوو. ژ بەر کو ئێدی گەل ب دەرەو و بوختەیان نایێ خاپاندن.”

ھەر وھا گۆت: “ئەگەر ئەردۆگان باوەر کر کو ھەدەپە و کورد دکارن دەنگان ب دەست بخن، دێ ل بەر ناڤەندا گشتییا ھەدەپێ کۆنەکێ ڤەدە و ل ور رازێت.”

پوستێن ھەمان بەش