ژ دەما کو پەکەکە ھاتیە دامەزراندن، ب تەرۆرکرن و کوشتنێ ناڤدارە.

شێخۆ قەھرەمان یەک ژ قوربانیێن تەرۆرکرنا وێ پارتیێ یە.

د 16 مەھا نیسانا 2023 واتە دوھ، 36 سال ل سەر تەرۆرکرنا وی را دەرباس بوون.

شێخۆ قەھرەمان کورێ رۆژئاڤایێ کوردستانێیە، د 16 نیسانا 1986 دا ب دەستێ چەکدارێن پەکەکێ ھاتیە تەرۆرکرن و شەھید بوویە.

پەکەکە د سالا 1978 دا ھاتیە دامەزراندن، ب خوە ژی دان ب کوشتن و تەسفیەکرنا 16 ھەزار ئەندام و کادرێن خوە کریە.

شێخۆ قهرەمان کییە و چەوا هات تەرۆرکرن؟

شێخمووس یەحیا قەھرەمان ژ دایکبوویێ سالا (1962)یێ گوندێ تەپکێ ل دەڤەرا دێرکێ بوو و ژ مالباتەک جووتیار و سادە بوو و ژ دەستپێکا گەنجاتیا خوە دە تەڤلی رێزێن پارتیا چەپا کورد ل سووریێ بوویە کو نھا مینا بەشکێ ژ پارتیا دەمۆکراتا کوردستان – سووریایە.

سالا (1985) پەکەکێ گەف ل ھەڤالێن پارتیا چەپ ل جھێ ئاھنگا نەورۆزێ کو نێزیکی گوندێ تەپکێیە و ب ناڤێ گرێ سپی تێ ناسکرن کرن، و ژ وان رە راگهاند نابە ب ت ئاوا ل ور ئامادە ببن، لێ ئەندامێن پارتیێن کوردی مان پێگری جھێ ئاھنگێ و رۆژا نەورۆزێ ھەڤالێن پارتیێن کوردی چوون جھێ ئاھنگێ، پەکەکەیی نەچوون جھێ ئاھنگێ و مان سەر گەفا خوە و ھەتا شەڤا 16 گولانا سالا (1986) ھات، ئیدی گرۆپەک نەناس چوون سەر مالا شەھید شێخمۆس و ب پیلانەکێ ئەو ژ مال دەرخست و بر پشتا مالا برایێ وی و گولەیەک د روویێ وی دە تەقاندن و رێژیما سووریێ خواست تۆمەتێ بخە ستوویێ ھەڤالێن پارتیا چەپ و تەڤگەرا کوردی ب خوە، لێ ھەڤالێن پارتیێ ل دادگەھێ ب بلگەیان خوە رزگارکرن، و پشت را مینا دیدەڤانان ل دادگەھێ ئامادە بوون، لەوما رێژیما سووریێ نەچار بوو 2 دادوەران ژ کۆما 3 دادوەران بگوھەرە دا کو تۆمەتێ ل دژی نەناسان تۆمار بکە و ئیدی دۆسەیا تەرۆرکرنا وی ل دژی نەناسان ھات قەید کرن .