نێزیکی 61 ملیۆن کەسان ل ترکیێ مافێ دەنگدانێ هەیە

سەرۆکێ لژنەیا بلند یا ھلبژارتنێ یا ترکیێ ئەحمەد یەنەر ھەژمارا وەلاتیێن ترکیێ کو دێ د ھلبژارتنێ دا دەنگێ خوە بدن راگھاندن.

ل گۆری داخویانیا نی یا لژنەیا بلند یا ھلبژارتنێ ھەژمارا دەنگدێرێن ل ترکیێ 60 ملیۆن و 697 ھەزار 843 کەسن. د داخویانیێ دە ھاتیە دەستنیشاکرن کو ژ سەدی 50.60 کو دکە 30 ملیۆن و 710 ھەزار و 790 ژێ ژن، ژ سەدی 49.40 ژی ئانکو 29 ملیۆن و 897 ھەزار 53 دەنگدێر ژی مێرن.

لژنەیا بلند یا ھلبژارتنێ دیار دکە؛ د ڤێ ھلبژارتنێ دە 4 ملیۆن و 904 ھەزار 672 دەنگدەر ژی دێ یەکەم جار دەنگێ خوە بکار بینن. ھەر وھا ئەگەر ھلبژارتنا سەرۆککۆماریێ بمینە گەرا دویەمین ژی، دێ د 28 گولانێ دا 47 ھەزار و 523 دەنگدەرێن نوو دەنگێ خوە بکار بینن.

ل گۆری ھەژمارێن ھاتنە راگھاندن، د ھلبژارتنا 14 گولانا 2023 دە دەنگدەرێن کێمئەندام و چاڤێن وان نابینن 989 ھەزار و 543 کەسن، ھەژمارا کەسێن کو تەمەنێ وان د سەر 75 سالیێ دەیە ژی 3 ملیۆن و 180 ھەزار 802 کەسن.

ل ئالیێ دن، ل 973 ناڤچەیان د 1094 لژنەیێن ھلبژارتنێ دە ب گشتی دێ 191 ھەزار و 884 لژنە بێنە دامەزراندن. ل 421 ناڤچەیان دێ سندۆقێن سەیار هێنە دانین و ھەژمارا دەنگدەرێن کو دێ د سندۆقێن سەیار دە دەنگان دەن ژی 6 ھەزار و 215 کەسن.