ل باژارێ رەقایێ بەرمیلێن زێر و دۆلارێن سەرکردەیێ داعشێ ئەبوبەکر بەغدادی هاتن دیتن.
سه‌ركرده‌یێ داعشێ ئەبوبەکر بەغدادی کو د ئۆپەراسیۆنەکە هێزێن تایبەت یێن ئه‌مەریکایێ دە و ب ئالیکاریا ئیستخباراتی یا هێزێن کورد ل پارێزگەها ئدلبێ یا سووریێ هاتبوو کوشتن، ل گۆر چاڤکانیەکی هەرێمی خەزینەیا وی ل باشوورێ باژارێ رەقایێ هات دیتن کو تێدە بەرمیلێن زێر و دۆلار هەبوویە.
هات راگهاندن ئەو زێر و پەره ژ ئالیێ تیمەکە هەڤبەشا هێزێن سووریا دەمۆکراتیک (هه‌سه‌دێ) و هێزێن ئه‌مەریکی ڤە هاتنە دیتن.
رێخستنا داعشێ د سالا 2014 ێ دە باژارێ رەقایێ داگیر کربوو پشترە ل سووریە و ئیراقێ بەلاڤ ببوو و پرانیا رۆژئاڤایێ کوردستانێ ژی خستبوو بن کۆنترۆلا خوە.
ئەبوبەکر بەغدادی رەققا وەکە «پایتەختا خیلافەتا» رێخستنا خوه یا ته‌رۆریستی ئیلان کربوو و ل ور ب جهـ ببوو.
بەغدادی د 26ێ جۆتمەها 2019ێ دە د ئۆپەراسیۆنەکە هێزێن ئه‌مەریکایێ دە ل ئدلبێ هاتبوو کوشتن.
