وەزارەتا بەرەڤانیێ یا ترکیێ ل سەر جڤینا چارئالی یا ناڤبەرا وەزیرێن دەرڤە و سەرۆکێن ئیستخباراتێ یێن سووریە، ئیران، ترکیە و رووسیایێ دە راگهاند، ئاڤێتنا گاڤێن بەربچاڤ د وارێ ئاساییکرنا پێوەندیێن ترکیە-سووریێ دە هاتن گۆتووبێژکرن.
ل گۆر داخویانیا وەزارەتا بەرەڤانیێ یا ترکیێ کو دەربارێ جڤینێ دە داخویانیەکە نڤیسکی بەلاڤ کر، سەرۆکێ ئیستخباراتا ترکیێ هاکان فیدان، وەزیرێ بەرەڤانیێ یێ رووسیایێ سێرگی شۆیگو، وەزیرێ بەرەڤانیێ یێ ئیرانێ محەمەد رزا ئاشتیانی، وەزیرێ بەره‌ڤانیێ یێ سووریێ عەلی مەحموود عەباس و سەرۆکێن ئیستخباراتا رووسیا، ئیران و سووریێ د جڤینێ دە بەشدار بوونە.
وەزارەتا بەرەڤانیێ یا ترکیێ راگهاند: «بهێزکرنا رەوشا ئەولەهیا ل سووریێ، ئاڤێتنا گاڤێن بەربچاڤ د وارێ ئاساییکرنا پێوەندیێن ترکیە-سووریێ دە، تێکۆشینا ل دژی هەر جورە رێخستنێن تەرۆریست و کۆمێن توندرەو ل سووریێ و خورتکرنا خەباتێن ژ بۆ ڤەگەراندنا پەنابەرێن سووریێ بۆ وارێن خوە هاتن گۆتووبێژکرن».
هەروه‌ها ل گۆر داخویانیێ، «ئالیان تەکەز کرنە کو ئەو رێزێ ل یەکپارچەییا ئاخا سووریێ دگرن. د ئەنجاما هەڤدیتنا کو ئاتمۆسفەرەکە ئاڤاکەر دە دەرباس بوویە، ل سەر گرینگیا بەردەوامیا جڤینان د چارچۆڤەیا چارئالی دە ژ بۆ دابینکرن و دۆماندنا ئارامیێ ل سووریێ و هەرێمێ ب گشتی هاتە تەکەزکرن».
