بولدان: دەنگەک ژ بۆ یەسەپێ دەنگەک ژی ژ بۆ کەمال کلچدارۆغلو

ھەڤسەرۆکا ھەدەپێ پەرڤین بولدان یەکەم جار ب ئاوایەکی ڤەکری د بانگەشەیا ل قادا «ئەسەنلەرا ستەنبۆلێ» دیار کر،  ئەو دێ دەنگەکی بدن یەسەپێ و دەنگەکی ژی بدن کەمال کلچدارۆغلو.

خەبات و لەباتێن ھلبژارتنێن 14 گولانێ ب گەرمی بەردەوام دکن. ل ناڤچەیا ئەسەنلەرێ یا ب سەر باژارێ ستەنبۆلێ ڤە د بانگەشەیا ھلبژارتنێ دە ھەڤسەرۆکا ھەدەپێ پەرڤین بولدان ئاخڤی و ناڤێ کو دێ د ھلبژارتنا سەرۆکۆماریێ دا پشتگریا وی بکن راگھاند و دیار کر، ئەو دێ وان کەسێن کو کوردان ناسناکن و توونە دبینن بشینن. دەنگەک ژ بۆ پارتیا چەپ یا کەسک و دەنگەک ژی ژ بۆ کەمال کلچدارۆغلو.

پەرڤن بولدان دیار کر: “د 14 گولانێ دە دو دەنگێن مە ھەنە. ئەم دێ یەکێ ژ بۆ پارتیا چەپا کەسک ب کار بینن ویا دن کەسێ کو دێ د شوونا ئەردۆگان دا ببە سەرۆککۆمار ژ بۆ کەمال کلچدارۆغلو ب کار بینن. بەلێ ئەم دێ وان کەسێن کو دژمناتیێ دکن، کوردان ناس ناکن و تونە دبینن بشینن. جارەکە دن دبێژن دەنگەک ژ بۆ پارتیا چەپا کەسک و دەنگەک ژی ژ بۆ کەمال کلچدارۆغلو.”