هات راگهاندن یەک ژ کادرۆیێن پەکەکێ ژ ئالیێ پاسەوانێن سینۆری یێن ئیراقێ ل سەر سینۆرێ د نێڤبەرا باشوور و رۆژئاڤایێ کوردستانێ دە هاتیە دەستەسەرکرن کو ب وی رە هن حەبێن هشبەر ژی هەبون.
چاڤکانیێن پێگەها «دارکا مازی» ئەشکەرە کرن، یەک ژ کادرۆیێن پەکەکێ یێ ب ناڤێ «جاسم محەمەد نزال تەراح ئەلبجاری»، نیشتەجیێ گوندێ «تل حاچم» یێ سەر ب باژارۆکێ «بەعاج» کو دەمەکی روونشتڤانێ سینۆرێ پارێزەگەها حەسەکێ بوو و پێش نها یەک ژ ئەندامێن رێخستنا تەرۆریستی یا داعشێ بوو و پشترە پێوەندی ب یەبەشێ کربوو ل سەر سینۆرێ د نێڤبەرا باشوور و رۆژئاڤا کوردستانێ ژ ئالیێ پاسەوانێن سینۆری یێن ئیراقێ ڤە هاتیە دەستەسەرکرن.
چاڤکانیێن مە تەکەز کرن، جاسم د رۆژا 9/4/2023 دە ژ ئالیێ فەوجا 1 یا لیوایا 19ەمینا پاسەوانێن سینۆری یێن ئیراقێ ل ناڤچەیا شەش، دەما دخوەست ژ رۆژئاڤا دەرباسی باشوور ببە هات گرتن و ب وی رە هەژمارا 1000 دانە ژ حەبێن بێهۆشکەر ژ جوورەیێ کابتاگۆن هەبوونە، ل گۆر ئاگاهیان ڤی کادرۆیێ پەکەکێ دخوەست ڤان حەبێن هشبەر دەرباسی باژارۆکێ شنگالێ بکە.
کاپتاگۆن چییە؟
کاپتاگۆن یان فەنیتۆلنی پێکھاتەیەک کیمیەوی و هشبەرە کو د سالا 1961 ھاتە چێکرن. ئەڤ مادە وەک دەرمان ژ بۆ کۆنترۆلکرنا ھن رەوشان دھات بکارئانین، لێ پشترە ژ بەر پەیداکرنا دەرمانێن باشتر و زێدەتر ژ بەر باندۆرێن وێ یێن خەراب، وەک مادەیێن هشبەر ھات حەسباندن و بکارئانینا وێ ھات قەدەغەکرن.
باندۆرا دەستپێکێ یا بکارئانینا حەبێن کاپتاگۆن هشبەرییە، لێ مینا هشبەرێن دن، ئەو پاشێ زرارەک جدی ددە تەندورستیێ. ژ بەر کو ئەو د فۆرما حەبان دە تێ بدەست خستن و ھێسانتر و ئەرزانترە، گھیشتن و بکارئانینا وێ ھێسانترە.
پێش نها پەیمانگەھا لێکۆلینێیا ئامەریکییا ب ناڤێ «New Linse» د راپۆرتەکێ دە ئیدیعا کربوو کو بەرپرسێن پلەبلندێن عکوومەتا سووریێ د ناڤ وان دە ماھەر ئەسەد برایێ بەشار ئەسەد د بەرھەمانین و بازرگانیا مادەیا ھشبرا کاپتاگۆن دە جھ دگرن. د ڤێ راپۆرێ دە ھەر وھا ھاتیە گۆتن کو حزبوللاھا لوبنانێ بەشەکە رێکخستییە ژ تۆرا بەلاڤکرنا ڤێ مادەیا ھشبرا پیشەسازی و ملیسێن سەر ب ئیرانێ ڤە ژی د چێکرنا ئەولەھیا شەقامێن راگھاندنێ یێن تۆرا ڤەگوھەستنا وێ دە جھ دگرن.
