سەرۆکێ گشتییێ پارتیا کۆمارییا گەل (جەهەپێ) و نامزەدێ سەرۆکۆماریا ترکیێ کەمال کلچدارۆغلو دەربارێ سەدەما رەدکرنا خوەیا تەزکەرەیا سووریێ دە راگھاند: “ئەز ت جار د وەلاتێ خوە دە لەشکەرێن بیانی ناخوازم.”
کەمال کلچدارۆغلو ل باژارێ زۆنگولداکێ یێ ترکیێ د ئاخافتنا خوە دە سەدەما رەدکرنا خوەیا تەزکەرەیا سووریێ ئەشکەرە کر و گۆت: “تەزکەرەیەکە سووریێ ھەبوو، تێ دە ژ بۆ تێکۆشینا ل دژی رێخستنێن تەرۆرێ، مافێ ڤەخوەندنا لەشکەرێن بیانی بۆ ترکیێ ھەبوو. ئەز ت جار د وەلاتێ خوە دە لەشکەرێن بیانی ناخوازم.”
کلچدارۆغلو دیار کر: “ئەزێ ئاشتیا 85 ملیۆن کەسان پێک بینم. ئەمێ ل وەلاتێ ھەری خوەشێ جیھانێ، د ناڤ ئارامی و ئاشتیێ دە بژین. دلێ من ب وە رەیە.”
نامزەدێ سەرۆکۆماریا ترکیێ کەمال کلچدارۆغلو دیار کر کو ئەو دێ وەلاتیێن سووریێ یێن ل ترکیێ ڤەگەرینە وەلاتێ وان و گۆت: “ئەز وسا دفکرم کو ھەر تشتی ل سەر عەدالەتێ ئاڤا بکم. ل وەلاتێ مە 3 ملیۆن و 600 ھەزار وەلاتیێن سووریێ ھەنە. ھەری دەرەنگ د ناڤا 2 سالان دە ئەمێ ھەموو وەلاتیێن سووریێ ڤەگەرینن وەلاتێ وان.”
